Elmi araşdırmalara görə, insanlığın cinsi olan Homo (insan) müxtəlif növləri ilə günümüzdəki insan anlayışının ilkin versiyalarını özündə birləşdirir.

Ağıllı insan adlandırılan Homo Sapiensin 100 min il əvvəl meydana çıxması nəticəsində cinsin təkamülü aydın şəkildə görünür. Homo sapiensdən əvvəl Homo cinsinin 6-dan çox növünün mövcud olduğu deyilir. Hətta bir çox araşdırmalar Neandertalla Sapiensin eyni dövrdə yaşadıqlarını da iddia edir. Neandertallar Sapiensdən müəyyən xüsusiyyətləri ilə fərqlənirdilər. Onların ümumi quruluşu daha nəhəng və güclü idi.

Sapiens növündə beyin digərlərinə nisbətən daha balaca idi. Beynin böyük olması təfəkkürün lazımi komponenti sayılsa da, bu, insan fəaliyyəti üçün bir çox maneələr törədir. Belə ki, böyük beyin bədən üçün ağır yükdür və onu enerji ilə təmin etmək çətindir. Homo Sapiensdə beyin ümumi bədən kütləsinin cəmi 2-3 faizini təşkil edirdi.

Ümumi fiziki quruluş Homo Sapiensdə boyun 1.60 metr (qadınlar) və 1.70 metr (kişilər) olması idi. Ağırlıq cinsdən asılı olaraq 60 ilə 70 kiloqram arasında dəyişirdi. Araşdırmalara görə, onlar tündrəngli dəriyə sahib idilər. Bu da böyük ehtimalla Afrika savannasının günəşli iqlimi səbəbindən qaynaqlanırdı. Dəridəki tünd çalarlar onları ultrabənövşəyi şüaların təsirindən qoruyurdu.

Əllərdən dəstək üçün istifadə etmədən iki ayaqla gəzmək bacarığı Homo Sapiensə böyük bir təkamül üstünlüyü verdi. Bunun nəticəsində o, əllərini sərbəst şəkildə idarə edə və ya özünü müdafiə etmək üçün istifadə edə bilərdi.