İlham Əliyevin iqtisadi islahatları səmərə verir
Koronavirus pandemiyası ilə bağlı dünya iqtisadiyyatında durğunluq yarandığı yaxşı məlumdur. O üzdən bir çox ölkələrin iqtisadiyyatında indiyəcən azalma müşahidə edilir. Bu azalma isə daha çox xammal ixracatçısı olan ölkələrdə qeydə alınır. Ancaq iqtisadiyyatı şaxələnmiş, sənayesi inkişaf etmiş ölkələr itkiləri aşağı səviyyədə saxlamağa nail olurlar.
Azərbaycanın da ixrac etdiyi məhsullar sırasında neft-qaz əsas yer tutur. Lakin Prezident İlham Əliyevin rəhbərliyi ilə vaxtında aparılan islahatlar, qeyri-neft sənayesinin inkişafı, aqrar sektora verilən dəstək, xidmət sahələrinin, xüsusilə turizmin inkişafı ölkəmizə pandemiya dövründə iqtisadi dayanıqlığı maksimum qorumağa imkan vermişdir.
Azərbaycan dünyada həm də üzərinə götürdüyü öhdəlikləri məsuliyyətlə yerinə yetirən dövlət kimi tanınır. Prezidentin dediyi kimi, sözümüzlə əməlimiz üst-üstə düşür. Bunun nəticəsidir ki, cari ilin 6 ayının göstəricilərinə görə, ölkə üzrə qeyri-neft sənayesində 16,6 faiz artım qeydə alınıb. Dövlət başçısı bu barədə danışarkən demişdir ki, belə bir yüksək artım dünyanın heç bir ölkəsində müşahidə olunmayıb.
Bu nailiyyətin əldə edilməsinin əsas səbəbi qeyri-neft sektorunun inkişafına verilən dəstəkdir. Bu dəstək hesabına ölkədə müasir dövrün tələblərinə cavab verən ixracyönümlü məhsulların istehsalı ildən-ilə artır. Hazırda ölkəmizdə yüzlərlə ixracyönümlü müəssisələr fəaliyyət göstərir.
İxracyönümlü məhsul istehsalının artması isə daha çox ölkələrlə ticarət əməliyyatlarının aparılmasına imkan verir. Yeri gəlmişkən qeyd edək ki, cari ilin yanvar-iyun aylarında Azərbaycan dünyanın 171 ölkəsi ilə idxal-ixrac əməliyyatları həyata keçirib. Hesabat dövründə xarici ticarət dövrüyyəmizin dəyəri 14 milyard 202,26 milyon dollar olub. Həmin məbləğin 8 milyard 811,10 milyon dolları ixracın, 5 milyard 391,16 milyon dolları idxalın payına düşüb ki, bu da 3 milyard 419,94 milyon dollar məbləğində müsbət saldo deməkdir.
İxracatımızda qeyri neft-qaz məhsullarının payı da artır. Bu fakt onu göstərir ki, ölkəmiz ixracyönlü məhsulların istehsalına üstünlük verir. Azərbaycan iqtisadiyyatının dayanıqlılığını təmin edən başlıca faktor da budur.
Cari ilin 6 ayında qeyri-neft məhsullarının ixracında plastik kütlə və ondan hazırlanan məmulatlar, alüminium və ondan hazırlanan məmulatlar, elektrik enerjisi, sement üstünlük təşkil edir. Kənd təsərrüfatı sahəsində ən çox ixrac olunan məhsullar meyvə-tərəvəz, pambıq lifi, şəkər, bitki və heyvan mənşəli piylər və yağlar, həmçinin alkoqollu və alkoqolsuz içkilər, çay, meşə fındığı və xurmadır. Tərəvəz məhsullarının isə ixracında pomidorun payı daha çoxdur.
İqtisadi İslahatların Təhlili və Kommunikasiya Mərkəzinin “İslahat icmalı”nda qeyd edilir ki, cari ilin 6 ayında Azərbaycanın qeyri-neft sektorunda 5,1 faizlik artım qeydə alınıb. Beynəlxalq Valyuta Fondu Avropanın inkişaf etməkdə olan ölkələrində 4,4, Latın Amerikası və Karib ölkələrində 4,6, Yaxın Şərq və Mərkəzi Asiyada 3,7 və Sub-Sahara Afrikada 3,4 faiz iqtisadi artım proqnozlaşdırıb. Göründüyü kimi, Azərbaycanın qeyri-neft sektorunun bu ilin ilk 6 ayındakı artım tempi sadalanan ölkə qrupları üzrə 2021-ci ilin iqtisadi artım proqnozlarını üstələyir.
Dövlət idarəetmə islahatları, o cümlədən, vergi-gömrük inzibatçılığının təkmilləşməsi, şəffaflaşdırma və kölgə iqtisadiyyatı ilə mübarizə nəticəsində ölkəmizdə dövlət büdcəsinin gəlirləri də artıb. Dövlət idarəetmə islahatlarının aparılması, dövlət müəssisələrində korporativ idarəetmənin genişləndirilməsi, vergi-gömrük administrasiyasının təkmilləşdirilməsi, fiskal institutların islahatı, büdcə vəsaitlərindən səmərəli və şəffaf istifadənin artırılması, elektron hökumətin əhatə dairəsinin genişləndirilməsi, ASAN, DOST, “Azexport” kimi platformaların gücləndirilməsi nəticə etibarı ilə şəffaflıq, hesabatlılıq və səmərəliliyin daha da yüksəldilməsinə səbəb olub.
İqtisadiyyatın inkişafı, büdcə gəlirlərinin artması dövlətə vətəndaşların sosial məsələlərinin həllinə daha geniş imkanlar yaradır. Bunun nəticəsidir ki, Azərbaycanda sosial ödənişlər son 3 ildə 60 faizdən çox, o cümlədən minimum pensiya 82, orta pensiya 60, orta müavinət 100 və ünvanlı sosial yardım 72 faiz artıb. Hazırda ölkə üzrə yaşayış minimumu 196 manat olduğu halda, orta pensiya 360 və minimal əməkhaqqı 250 manatdır.
Rüstəm KAMAL,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Gürcüstanda müsəlman icmasına daha 20 məscid veriləcək
29 Mart
Cəmiyyətin Ermənistan işğalı altında olan kəndlərin azad ediləcəyi ilə bağlı gözləntisi yüksəkdir-SO...
29 Mart
Oğuz sakinlərindən nəcib təşəbbüs - yanmış meşə sahələri bərpa edilir
29 Mart
İnzibati Xətalar Məcəlləsinin bir sıra maddələri üzrə cərimələrin məbləği artırılır...
29 Mart
“Şahin” hərbi-idman oyununun Şəki rayon turunda 11 komanda mübarizə aparıb
29 Mart
“N” hərbi hissəsində komanda-qərargah təlimi keçirilib
29 Mart
Ermənistanda Vladimir Solovyovun verilişlərinin yayımı dayandırılıb
29 Mart
Bərpa olunan enerji mənbələrindən istifadə sahəsində layihələrin həyata keçirilməsi üzrə komissiyanı...
29 Mart
Azərbaycanda su təchizatı və kanalizasiya sisteminə qoşulmanın qayda və şərtləri yenilənəcək...
29 Mart
“İlham Əliyev. İnkişaf - məqsədimizdir” çoxcildliyinin 132-ci kitabı çapdan çıxıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!