“İlham Əliyev. İnkişaf - məqsədimizdir” çoxcildliyinin 109-cu kitabı çapdan çıxıb
Bu müharibəni biz şəhidlərimizin canı, qanı bahasına, hərbçilərimizin şücaəti hesabına qazanmışıq. Allah bütün şəhidlərimizə rəhmət eləsin! Allah onların yaxınlarına səbir versin! Bütün şəhid ailələri dövlət tərəfindən qayğı ilə əhatə olunub. Bütün şəhid ailələrinə dövlət tərəfindən mənzillər, evlər veriləcəkdir. Artıq bu ildən başlayaraq göstəriş verildi. Şəhid ailələri üçün müavinət 300 manatdan 500 manata qaldırıldı və daim o ailələr diqqət mərkəzində olacaqdır. Birinci Qarabağ müharibəsində həlak olmuş 9 min şəhidin ailəsinə dövlət tərəfindən artıq mənzillər, evlər verilib.
Yaralı hərbçilərimiz dövlət tərəfindən qayğı ilə əhatə olunub. Əlil olmuş hərbçilərin reabilitasiyası, onların müasir protezlərlə təmin edilməsi məsələsi öz həllini tapacaq. Müharibədə qəhrəmanlıq göstərmiş minlərlə hərbçi mənim tərəfimdən yüksək orden və medallarla təltif edilib.
AZƏRTAC xəbər verir ki, “İlham Əliyev. İnkişaf - məqsədimizdir” çoxcildliyinin 109-cu kitabında yer alan bu fikirləri Azərbaycan Prezidenti yanvarın 14-də Şuşa şəhərinə səfəri zamanı söyləyib.
Çoxcildliyin yeni kitabındakı materiallar 2020-ci ilin dekabrından 2021-ci ilin fevralınadək olan dövrü əhatə edir.
Bu cildə Prezident İlham Əliyevin işğaldan azad edilmiş ərazilərə səfərləri, Füzuli-Şuşa avtomobil yolunun və Füzuli rayonunda hava limanının təməlqoyma mərasimində iştirakı barədə materiallar, Şuşada, Cıdır düzündə çıxışının mətni daxil edilib. Dövlətimizin başçısının Füzuli rayonunda hava limanının təməlqoyma mərasimində söylədiyi “Böyük qayıdış başlayır, bütün işlərə start verildi. Əminəm, necə ki, düşməni qısa müddət ərzində torpaqlarımızdan qovduq, - cəmi 44 gün ərzində, - bizim tarixi dədə-baba torpağımız olan Qarabağı da qısa müddətdə bərpa edəcəyik” sözləri xalqımızın tarixi günlər yaşadığını bir daha təsdiqləyir.
Oxucular yeni nəşrdə Prezident İlham Əliyevin Moskvaya işgüzar səfəri çərçivəsində Azərbaycan, Rusiya prezidentlərinin və Ermənistanın baş nazirinin üçtərəfli görüşü haqqında informasiya, 2021-ci il 11 yanvar tarixli birgə Bəyanatın, mətbuata bəyanatlarla çıxışların mətnləri, Rusiya Prezidenti ilə görüşünə dair materiallarla tanış ola bilərlər.
Kitaba Azərbaycan Prezidentinin Türkiyənin milli müdafiə naziri Hulusi Akarın başçılıq etdiyi nümayəndə heyəti, Rusiya Federasiyası Hökumətinin sədr müavini, Rusiya-Azərbaycan İqtisadi Əməkdaşlıq üzrə hökumətlərarası birgə Komissiyasının həmsədri Aleksey Overçuk, ICESCO-nun baş direktoru Salim bin Məhəmməd əl-Malikin rəhbərlik etdiyi nümayəndə heyəti, İranın xarici işlər naziri Məhəmməd Cavad Zərif, Fransanın Avropa və Xarici İşlər Nazirliyinin Dövlət katibi Jan Batist Lömuan ilə görüşlərinə dair informasiyalar daxil edilib.
Çoxcildliyin 109-cu kitabında Azərbaycan Prezidentinin 2020-ci ilin yekunlarına həsr olunmuş videoformatda keçirilən müşavirədə söylədiyi nitqlərin mətnləri, Sabunçu rayonunda yenidən inşa edilmiş 90 saylı və Suraxanı rayonunda 97 saylı tam orta məktəblərdə, Xırdalan şəhərində 3 saylı Texniki-təbiət fənləri təmayüllü məktəb-liseydə yaradılmış şəraitlə tanışlığına, Yasamal rayonunda yeni salınmış meşə tipli parkın, Abşeron Rayon Mərkəzi Xəstəxanasının yeni inşa edilmiş binasının açılış mərasimlərində və digər tədbirlərdə iştirakına dair materiallar yer alıb.
Yeni nəşrdə Prezident İlham Əliyevin Dünya Azərbaycanlılarının Həmrəyliyi Günü və Yeni il münasibətilə Azərbaycan xalqına, Milad bayramı münasibətilə Azərbaycanın pravoslav xristian icmasına müraciətinin mətnləri də verilib.
“Azərnəşr” tərəfindən buraxılan 109-cu kitabın hazırlanmasında Azərbaycan Dövlət İnformasiya Agentliyinin (AZƏRTAC) materiallarından istifadə olunub.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xərçəngin müalicəsində yeni metod tapılıb
25 Aprel
“Bayden yəhudilərə nifrət edir” - Trampdan açıqlama
25 Aprel
23 İŞİD üzvü saxlanıldı - Türkiyədə
25 Aprel
Təbrizdə Ermənistanın Baş konsulluğu açılacaq - QƏRAR
25 Aprel
Ukrayna ərazilərini buna görə itirib - Ağ Evdən AÇIQLAMA
25 Aprel
Hiss edirəm ki, qızıl medalla qayıdacam - Murad Fətiyev
25 Aprel
Keçmiş məcburi köçkünlərin müraciətləri dinlənilib
25 Aprel
Türkiyənin “ASELSAN” şirkəti ixrac həcmini 1 milyard dollara çatdırmağı planlaşdırır ...
25 Aprel
Qırğızıstan Prezidenti Sadır Japarovun Azərbaycana dövlət səfəri başa çatıb
25 Aprel
Milli Məclisin sədri Türk Dövlətləri Parlamentlərinin Xarici Əlaqələr Komitələri sədrlərinin iclasın...
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!