15 Oktyabr 2021 18:28
1205
DÜNYA
A- A+

Həsən Həsənov: Azərbaycanlılar və macarlar qardaş xalqlardır  

Budapeştdə keçirilən “Türk dövlətləri və müstəqilliyin və əməkdaşlığın 30-cu ildönümü: Cənubi Qafqazda regional sülh və əməkdaşlıq üçün yeni imkanlar" adlı beynəlxalq konfransda çıxış edən Türkdilli Dövlətlərin Əməkdaşlıq Şurasının (Türk Şurası) Ağsaqqallar Birliyinin üzvü Həsən Həsənov Türkiyənin Azərbaycanın taleyindəki tarixi rolundan danışıb.

AZƏRTAC xəbər verir ki, 1918-ci ildə türk xalqının ölkəmizə köməyindən bəhs edən H.Həsənov Türkiyənin 1991-ci ildə də Azərbaycanın müstəqilliyini tanıyan ilk ölkə olduğunu vurğulayıb.

Həmçinin bildirib ki, 44 günlük müharibə zamanı türk xalqı azərbaycanlıların yanında olub. Türkiyənin qardaş dəstəyi Azərbaycanda hər an hiss olunurdu. İşğal olunmuş torpaqların azad edilməsində türk hərbi sənayesinin texnoloji yardımının rolu da əvəzsiz idi.

"Azərbaycanın məqsədi düşmənçiliyə son qoymaq, Ermənistanla münasibətləri normallaşdırmaqdır. Təəssüf ki, dünyada buna mane olan qüvvələr var. Məsələn, biz münaqişənin həll edildiyini deyirik, lakin Ermənistanın havadarları bildirirlər ki, yox, bu, belə deyil. Bu, nə deməkdir? Bu, qisas üçün çağırış deməkdir. Biz deyirik ki, gəlin, sülh müqaviləsi bağlayaq, amma Ermənistanın havadarları bəyan edirlər ki, əvvəlcə mövcud olmayan “Dağlıq Qarabağ”a status verin. Bu, Azərbaycan tərəfindən ərazisinin bir hissəsini Ermənistana hədiyyə vermək deməkdir. Biz deyirik ki, gəlin, sərhədləri delimitasiya edək, lakin Ermənistan və onun himayədarları bəyəndikləri və xəyal etdikləri sərhədləri sərhəd olaraq qəbul edirlər. Ərazilərimizə təxribatçılar göndərirlər. Hələ sonradan mina sahələrinin xəritələrini verməkdən imtina edərək onların azad olunmasını istəyirlər”, - deyə Türk Şurası Ağsaqqallar Birliyinin üzvü vurğulayıb.

Sonda o bildirib ki, Azərbaycan və macar xalqları qardaş xalqlardır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video