05:13 25 Oktyabr 2021
ONLINE XƏBƏR LENTİ
00:09 24.10.2021 256 il yaşayan insan
00:07 24.10.2021 Aman qocalıq
00:06 24.10.2021

Ən tez bu orqan qocalır


00:04 24.10.2021 Cavanlığın sirri
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Gürcüstanlı jurnalistlər və blogerlərə erməni qəsbkarlarının Şuşada törətdikləri vandalizm barədə ətraflı məlumat verilib
ANA SƏHİFƏ / CƏMİYYƏT
21:51 22.09.2021

 

Azərbaycana səfər edən bir qrup gürcüstanlı media nümayəndəsi və blogerlər işğaldan azad edilən Şuşada olublar.

AZƏRTAC-ın bölgə müxbiri xəbər verir ki, səfər çərçivəsində qonaqlar mərkəzi meydan, Şuşa Bəyannaməsinin imzalandığı məkan, Karvansara, Saatlı məscidi, Natəvanın ev kompleksi, Xan qızı bulağı, Qala divarları, Pənahəli xanın sarayının qalıqları olan ərazi, Bülbülün ev-muzeyi, Cıdır düzü və Molla Pənah Vaqifin məqbərəsində olub, həmçinin Yuxarı Gövhərağa məscidini ziyarət ediblər.

Qonaqlar Azərbaycan Respublikası Prezidentinin Şuşa rayonunda xüsusi nümayəndəsi Aydın Kərimovla da görüşüblər. Xarici jurnalistlərə erməni qəsbkarlarının 30 illik işğal dövründə törətdikləri vandalizm barədə ətraflı məlumat verilib. Bildirilib ki, ermənilər tərəfindən Azərbaycan xalqının maddi və mənəvi irsinə qarşı talan və terror siyasəti yürüdülüb. Gürcüstanlı jurnalistlər və blogerlər ermənilərin cansız heykəlləri də gülləbarana tutduqları, Azərbaycana aid məzarları dağıtdıqları, məscidləri təhqir etdikləri, muzeyləri, kitabxanaları talana məruz qoyduqları haqda məlumatlandırılıblar.

Vurğulanıb ki, XIX əsrin sonu və XX əsrin əvvəllərində Şuşa Qafqazın musiqi mərkəzinə çevrilmişdi. Şuşa “Kiçik Paris”, “Qafqazın sənət məbədi”, “Azərbaycan musiqisinin beşiyi” və “Zaqafqaziyanın konservatoriyası” adlandırılırdı.

Otuz ilə yaxın işğal altında qalan Şuşa 44 günlük Vətən müharibəsində Prezident, Ali Baş Komandan İlham Əliyevin rəhbərliyi ilə rəşadətli ordumuz tərəfindən azad edildi. İndi azad olunan torpaqlarda, o cümlədən Şuşada tikinti-quruculuq işləri geniş vüsət alıb.

Qeyd edək ki, gürcüstanlı jurnalistlər ötən gün Cəbrayıl və Füzuli rayonlarında da olublar.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM