18:15 21 Oktyabr 2021
ONLINE XƏBƏR LENTİ
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Güclü zəlzələ Yaponiyanın paytaxt regionunda fəsadlar törədib
ANA SƏHİFƏ / DÜNYA
09:40 08.10.2021

 

Oktyabrın 7-də yerli vaxtla saat 22:41 dəqiqədə baş verən güclü zəlzələ Yaponiyanın paytaxt regionunda fəsadlar törədib. Yaponiya Meteorologiya Agentliyi əvvəlcə zəlzələnin 6,1 bal gücündə olduğunu bildirsə də, sonradan onun gücünü 5,9 bala endirib.

AZƏRTAC xəbər verir ki, zəlzələdən sonra böyük dağıntılar qeydə alınmasa da, bütün paytaxt regionunda qatarların hərəkətində fasilələr baş verib. Tokionun Adaçi rayonunda sərnişin qatarı relsdən çıxıb və nəticədə üç nəfər xəsarət alıb.

Yüksəksürətli “Shinkansen” qatarlarının hərəkəti bir neçə saat müddətinə dayandırılıb. Yerli xətlərdəki qatarların hərəkətində də fasilələr yaranıb.

Gecə saatlarında evlərinə dönə bilməyən sərnişinlərin gecələməsi üçün Adaçi rayonundakı dövlət məktəbinin idman zalı döşək və ədyallarla təchiz edilib. Burada qəzaya uğramış qatarın sərnişinləri də daxil olmaqla təqribən 30 nəfərin gecələdiyi bildirilir.

Yeraltı təkanlar nəticəsində paytaxtın bir neçə rayonunda su xətlərinin sıradan çıxdığı qeyd edilir.

Tokionun şimalındakı tikililərdən birində baş verən yanğının qarşısı isə yanğınsöndürənlər tərəfindən alınıb.

Zəlzələ nəticəsində ümumilikdə 52 nəfərin xəsarət aldığı qeyd edilir.

Seysmoloqlar zəlzələnin afterşoklarının yaxın bir həftə ərzində baş verə biləcəyinə görə yerli sakinləri diqqətli və ehtiyatlı olmağa çağırırlar.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM