Gənclər və idman naziri Fərid Qayıbov nazirliyin kollektivinə təqdim edilib YENİLƏNİB
Azərbaycan Respublikasının Prezidenti İlham Əliyevin ötən gün imzaladığı Sərəncama əsasən, gənclər və idman naziri vəzifəsinə təyin edilmiş Fərid Qayıbov sentyabrın 8-də kollektivə təqdim olunub.
AZƏRTAC xəbər verir ki, yeni naziri kollektivə Prezident Administrasiyasının Gənclər siyasəti və idman məsələləri şöbəsinin müdiri, Birinci vitse-prezidentin köməkçisi Yusuf Məmmədəliyev təqdim edib.
Əvvəlcə uzun illər Gənclər və İdman Nazirliyinə rəhbərlik etmiş, ölkəmizdə gənclər və idman sahəsinin inkişafında mühüm xidmətləri olmuş sabiq nazir Azad Rəhimovun xatirəsi anılıb.
Yusuf Məmmədəliyev tədbirdə çıxış edərək dövlətimizin başçısının sentyabrın 7-də imzaladığı müvafiq Sərəncamı diqqətə çatdırıb, Fərid Qayıbovu təyinat münasibətilə təbrik edib, ona fəaliyyətində uğurlar arzulayıb. Bildirib ki, Fərid Qayıbov idman ictimaiyyətində kifayət qədər yaxşı tanınır. O, uzun müddət Azərbaycan Gimnastika Federasiyasında bir sıra məsul vəzifələrdə çalışıb, Avropa Gimnastikasının prezidenti vəzifəsinə seçilib. İlk dəfə azərbaycanlı mütəxəssis beynəlxalq federasiyada rəhbər vəzifəyə təyin olunub. Fərid Qayıbov ölkə daxilində, eləcə də beynəlxalq miqyasda bir sıra uğurlar qazanıb. Onun idman sahəsində biliyi, təcrübəsi ölkə rəhbəri tərəfindən layiqincə qiymətləndirilib və ona bu yüksək etimadın göstərilməsində həlledici rol oynayıb. Prezident Fərid Qayıbovu məsul vəzifəyə təyin edərkən gənclər siyasəti və idman sahəsindəki prioritet istiqamətləri bir daha müəyyənləşdirdi və müvafiq tapşırıqlarını verdi.
Diqqətə çatdırılıb ki, ölkəmizdə idman sahəsi sürətlə inkişaf edir. Azərbaycan dünyada idman ölkəsi kimi tanınır. Bu, bizi qürurlandırır. Lakin qazanılan uğurlara baxmayaraq, mövcud olan bəzi çatışmazlıqlar aradan qaldırılmalıdır.
Prezident Administrasiyasının şöbə müdiri vurğulayıb ki, ulu öndər Heydər Əliyevin müəyyənləşdirdiyi gənclər və idman siyasəti hazırda Prezident İlham Əliyev tərəfindən uğurla davam etdirilməklə yanaşı, dövlət siyasətinin prioritet sahəsi olaraq qalmaqdadır. Hər iki sahədə əldə olunan nailiyyətlər bunun əyani təzahürüdür. Hamımız gənclər və idman sahələrində həyata keçirilən bu uğurlu siyasət nəticəsində əldə olunan səmərəli nəticələrin şahidiyik. Gənclərimiz ənənəvi və milli dəyərlər əsasında tərbiyəsi nazirliyin fəaliyyətinin əsas istiqaməti olmalıdır. Qloballaşma şəraitində gənc nəslin mənfi xarici təsirlərdən qorunması, onların savadlı, bilikli yetişməsi dövlətimizin başçısı tərəfindən qarşıya qoyulan ən önəmli tapşırıqdır.
“Vətənpərvər ruhda yetişmiş gənclərimiz 44 günlük Vətən müharibəsində Prezident, Müzəffər Ali Baş Komandanın rəhbərliyi ilə qazanılan Şanlı Qələbədə aparıcı rol oynadılar. Gənclərimizin bundan sonra da qalib xalqın nümayəndələri kimi, vətənpərvərlik ruhunda və müasir zamanla ayaqlaşan fərdlər kimi yetişdirilməsi nazirliyin qarşısında duran vacib vəzifələrdəndir. Əminəm ki, nazirliyin yeni rəhbəri və kollektiv bu məsul vəzifənin öhdəsindən uğurla gələcək və yeni nailiyyətlər əldə edəcək”, - deyə Y.Məmmədəliyev vurğulayıb.
Təqdimat mərasimində çıxış edən Fərid Qayıbov göstərilən yüksək etimada görə Prezident İlham Əliyevə minnətdarlığını bildirərək deyib: “Bu məsuliyyətli vəzifənin öhdəsindən layiqincə gəlməyi bacaracağıma inanıram. Dövlətimizin başçısı müvafiq tapşırıqlarını verdi. Qarşıya qoyulan vəzifələri yerinə yetirməyə, Azərbaycan idmanındakı çətinlikləri aradan qaldırmağa hazır olmalı, bu sahədə strategiya müəyyənləşdirməliyik”.
Nazir bildirib ki, Azərbaycanda idman sahəsində müəyyən uğurlu nəticələr olsa da, bununla kifayətlənmək olmaz. Azərbaycanda idmanın daha da inkişafı üçün yeniliklərə ehtiyac duyulur. Bunun üçün də ciddi səy göstərilməlidir.
Tədbirdə Azərbaycan Milli Olimpiya Komitəsinin (MOK) vitse-prezidenti Çingiz Hüseynzadə, MOK baş katibinin müavini Azər Əliyev, idman federasiyalarının rəhbərləri, ölkəmizin idman ictimaiyyətinin nümayəndələri və digər şəxslər iştirak ediblər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Roma Papası Ukrayna ilə bağlı danışıqlara başlamağa çağırıb
25 Aprel
İqlim dəyişmələri ilə bağlı beynəlxalq mübahisələrin sayı getdikcə artacaq
25 Aprel
Sabunçuda qızıl dükanını talayan və çətənə kolları əkən şəxslər saxlanılıblar
25 Aprel
Komitə sədri: Azərbaycanın əsas prioritetlərindən biri Türk dövlətləri ilə əlaqələrin gücləndirilməs...
25 Aprel
Bu gün dünyada dörd əlamətdar gün qeyd olunur
25 Aprel
Baş Prokurorluq Nəsib Quliyevin intiharı ilə bağlı dəqiqləşdirilməmiş xəbərlər yayan media subyektlə...
25 Aprel
Fuat Oktay: Türk dövlətlərinin bir araya gəlməsində məqsəd sülhü dəstəkləməkdir
25 Aprel
Vəkilliyə namizədlərin təntənəli andiçmə mərasimi keçirilib
25 Aprel
Çin Azərbaycan-Ermənistan münasibətlərinin normallaşması prosesindəki tərəqqini alqışlayır ...
25 Aprel
Aprelin 25-i Ümumdünya Malyariya ilə Mübarizə Günüdür
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!