Fransız jurnalı Azərbaycanın turizm imkanlarından yazmışdır
Fransada nəşr olunan "Səyahətlər aləmində" jurnalında Azərbaycanın turizm imkanlarından bəhs edən "Qafqaz sıra dağları ilə Xəzər dənizi arasında" adlı məqalə dərc olunmuşdur.
Azərbaycanın coğrafi quruluşundan bəhs edən yazının əvvəlində ölkəmizin Qafqaz sıra dağları ilə Xəzər dənizi arasında kontrast bir ərazidə yerləşdiyi bildirilir.
Məqalədə Qafqazın cənubunda, Xəzər dənizi sahilində yerləşən Azərbaycan ilə Fransa arasında vaxt baxımdan 3 saat fərq olduğu, Bakıdan Parisə təyyarə ilə uçuşun isə 5 saat çəkdiyi, Xəzər dənizinin əslində heç bir dəniz və okeana çıxışı olmayan dünyanın ən böyük gölü olduğu barədə məlumat verilir.
Məqalənin müəllifi, turizm sahəsində ixtisaslaşmış jurnalist Patrik Geofroia Avropa ilə Asiya arasında yerləşən Azərbaycanın iki qitəni birləşdirən bir körpü rolu oynadığını, 1991-ci ildə müstəqilliyini yenidən bərpa etmiş ölkəmizin 2011-ci ili Turizm ili elan etdiyini diqqətə çəkir.
Azərbaycanın zəngin yeraltı və yerüstü sərvətlərinə görə dünyanın ilk istehlakçı ölkələrindən olduğunu qeyd edən jurnalist Azərbaycanın dünyəvi ölkə olduğunu xüsusi vurğulamışdır.
Şərqdən daha çox Qərb atmosferini özündə cəmləşdirmiş Bakıda çoxlu sayda fransız butiklərinə rast gəlindiyi, Xl əsrə aid edilən İçərişəhərlə yanaşı, XlX və XX əsrlərə məxsus arxitektura nümunələrinin göz oxşadığı, XXl əsrdə paytaxtımızda gedən nəhəng quruculuq işləri, Bakının küləklər şəhəri kimi ad çıxardığı, İçərişəhər kompleksinin UNESCO-nun mədəni irs siyahısına daxil edildiyi məqalədə yer almışdır.
Müəllif azərbaycanlıların vaxtilə oda sitayiş etdiklərini, bunun bariz nümunəsi kimi Suraxanıdakı "Atəşgah"ın Zərdüştlük dövründən xəbər verdiyini, Azərbaycanın mənşəcə türk olan azərbaycanlıların Vətəni olduğu, dinc, sülhsevər və qonaqpərvər olan bu xalqın vaxtilə uzun illər ərəblərin, farsların, rusların, yaxın vaxtlara qədər isə sovetlər birliyi dövründə bolşeviklərin təsiri altında yaşadıqlarını qeyd edir.
Məqalədə ölkədə əsrlərin mədəniyyət müxtəlifliyinin nümunəsi kimi Qobustan misal gətirilir, bu bölgədə vulkanların izinə rast gəlindiyi bildirilir.
Bakıya və onun ətrafına səyahət etdikdən sonra turistlərin Böyük Qafqaz sıra dağlarına və dağlıq ərazidə yerləşən gözəl mənzərəli Lahıc kəndinə getmək istəyində olacaqları diqqətə çəkilir. İpək kəlağayının vətəni hesab edilən bu bölgədən sonra Şəki Azərbaycanın ən gözəl və tarixi abidələrlə zəngin, turistik baxımdan maraqlı bir regionu olduğu vurğulanır. Şəkidə XVIII əsrə aid Xan sarayının da UNESCO-nun mədəni irs siyahısına daxil edildiyi, Kiş kəndindəki Alban kilsəsinin ən qədim dövrə - eramızın birinci əsrinə aid abidə olduğu barədə fransız oxucularına məlumat verilir.
Müəllif Azərbaycanın "Evrovizion-2011"-dən sonra daha çox məşhurlaşdığını və bütün dünyada tanındığını bildirir, 2012-ci ildə bu mahnı müsabiqəsinin ölkəmizdə keçirilməsinin əhəmiyyətindən, Azərbaycan turizminin prioritetlərindən söhbət açır, ölkədə "Hilton" və digər otellərin fəaliyyət göstərdiyini, daha 25 otelin, o cümlədən "Marriot", "Fairmont" otel layihələrinin həyata keçirildiyini qeyd edir.
Məqalə ilə bərabər Bakının görməli yerlərinin, İçərişəhərin, Kiş kəndindəki Alban kilsəsinin, milli ornamentlərlə bəzədilmiş qədim toxuculuq nümunələrinin fotoları verilmişdir.
Əsgər ƏLİYEV,
AzərTAc-ın xüsusi müxbiri
Paris
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Taksi fənərləri ilə bağlı tələb müəyyənləşib
28 Mart
Qərbi Azərbaycan yallıları ilə bağlı kitabın təqdimatı olub
28 Mart
Buraxılış tarixi on beş ildən çox olan avtomobillər taksi kimi fəaliyyət göstərə bilməyəcəklər...
28 Mart
“The Nation” qəzeti: ABŞ söz və fikir azadlığını qoruduğunu bildirir, lakin jurnalistlərin qətlinin ...
28 Mart
Türkiyə Silahlı Qüvvələri son bir həftədə 38 terrorçunu zərərsizləşdirib
28 Mart
Korsikanın muxtariyyətinə dair qanun layihəsi qəbul olundu, deputat etiraz etdi: Bu, buxovdur
28 Mart
Beynəlxalq ekspert: COP29 Azərbaycanın iqtisadi mövqeyini gücləndirməsi üçün strateji fürsətdir...
28 Mart
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!