06 Sentyabr 2021 23:40
419
DÜNYA
A- A+

Fransalı məşhur aktyor Jan-Pol Belmondo vəfat edib

 

Buqələmun aktyor, Fransa kinosunun müqəddəslərindən olan Jan-Pol Belmondo sentyabrın 6-da 88 yaşında vəfat edib.

AZƏRTAC xəbər verir ki, “Bebel” ləqəbli Belmondo 1933-cü il aprelin 9-da Nöyi-sür-Sen (Neuilly-sur-Seine) şəhərində anadan olub. Atası heykəltəraş, anası isə rəssam olub.

Belmondo 64 illik karyerasında 88-dən çox filmdə çəkilib. Gənc aktyor təhsillə demək olar ki, maraqlanmayıb, ancaq idmanı çox sevib, futbol, velosiped, xüsusilə də boksla məşğul olub. Məhz buna görə bu gün onu Fransa boksunun ən gözəl səfiri adlandırırlar.

Jan-Pol Belmondo 1946-cı ildə Bebel “Comedie–Francaise” teatrında Molyerin “Alim qadınlar” tamaşasına qatılır. Beləliklə, onun əsil aktyorluq hissləri yaranmağa başlayır. Sonra Belmondo Paris xəstəxanalarında pasiyentlər qarşısında çıxış edir. 1952-ci ildə Milli Dram Sənəti Konservatoriyasına qəbul olur.

Karyerası müddətində o, həm müəllif filmlərində, həm də məşhur bədii filmlərdə rol alıb.

İlk dəfə Belmondo 1956-cı ildə “Les Copains” (Dostlar) filmində çəkilsə də, bu film 1967-ci ildə nümayiş olunub. Ancaq 1959-cu ildə Klod Barmanın rejissoru olduğu və milad axşamı televiziyada yayımlanan “Üç muşketyor” filmində D’Artanyan rolunu oynayıb.

1958-ci ildə “Gözəl ol və sus” filmində Alen Delonla birlikdə köməkçi rol oynayıb. Sonrakı illərdə Bebel Katerin Dönöv, Anni Jirardo, Qabən kimi tanınmış aktyorlarla birlikdə filmlərə çəkilib.

Azərbaycan əsilli məşhur fransız aktyoru Rober Hosseinin yaxın dostu olmuş Belmondo 1989-cu ildə “Ərköyün uşağın marşrutu” filmində ən yaxşı aktyor kateqoriyasına “Sezar” mükafatını alıb. 2001-ci ildə beyninə qansızmasından əziyyət çəkən Belmondo Kann Kino Festivalının “Fəxri Palması”nı alıb. 2009-cu ildən sonra məşhur aktyor ekranda baş rollarda görünməyib.

2007-ci ildə “Şərəf Legionu”, 2017-ci ildə Milli Şərəf Ordeninin Böyük Zabiti və Milli İncəsənət və Ədəbiyyat Komandanı ordenlərinə layiq görülüb.

2018-ci ildə “Corse-Matina” qəzetinə müsahibəsində “Elə xoşbəxt həyat yaşadım ki, sonumdan qorxmuram” deyən aktyor hələ də filmə çəkilmək arzusunu gizlətməyib.

Jan-Pol Belmondo sentyabrın 6-da vəfat edib, ölümü ilə o, bütün fransız televiziya kanallarının proqramlarını dəyişib. Bütün kanallarda Belmondonun çəkildiyi filmlərə yer verilib, yazılı mətbuat orqanlarında Belmondoya həsr edilmiş çoxsaylı məqalələr dərc olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video