15 Sentyabr 2021 18:10
852
SİYASƏT
A- A+

Erkin Qədirli: Azərbaycan-Türkiyə münasibətləri maraqlardan üstün unikal bir xarakterə malikdir

 

Şuşa Bəyannaməsi çox önəmli bir sənəddir. Həmin sənəddə bir çox bəndlər var. Lakin bu sənəddə strateji cəhətdən ən vacib bənd Azərbaycanla Türkiyənin müdafiə və təhlükəsizlik sahəsindəki tədbirlərinin əlaqələndirilməsi ilə bağlıdır. Çünki burada əməkdaşlıq deyil, (hansı ki, bu, dövlətlərimiz arasında hər zaman olub) birbaşa əlaqələndirmədir. Bu bəndin üstünlüyü ondadır ki, Türkiyə və Azərbaycan dövlətlərindən hansınınsa təhlükəsizliyinə təhdid olarsa, digər dövlət onun yardımına gəlməlidir.

Bu fikirləri “Real” Partiyasının üzvü, Milli Məclisin deputatı Erkin Qədirli AZƏRTAC müxbirinin Azərbaycan-Türkiyə münasibətlərinin hazırkı vəziyyəti ilə bağlı sualını cavablandırarkən söyləyib.

Deputat deyib: “Nəzərə almalıyıq ki, Türkiyə həm də NATO-nun üzvüdür. Bu vaxtadək elə bir təcrübə yoxdur ki, NATO-nun üzvü olan ölkə eyni təşkilatda təmsil olunmayan digər bir dövlətlə bu cür sənəd imzalasın. Hazırda ABŞ-ın NATO üzvü olmayan, lakin özünə strateji müttəfiq hesab etdiyi bir neçə dövlətlə belə anlaşması var. Lakin ABŞ həmin ölkədə, məsələn, Yaponiyada özünün hərbi bazalarını yerləşdirib. Hazırda postsovet ölkələrindən qərbyönlü siyasət yürüdən, Avropa İttifaqına, NATO-ya üzvlük haqqında açıq danışan Ukrayna, Moldova və Gürcüstandan fərqli olaraq, yalnız Azərbaycanın NATO üzvü olan bir ölkə ilə bu cür münasibətləri var. Təbii ki, Şuşa Bəyannaməsinin imzalanması başqa amillərlə də bağlıdır. Çünki Azərbaycan və Türkiyə həqiqətən də qardaş dövlətlərdir. Ona görə də heç bir siyasi nəzəriyyə bu münasibətləri izah edə bilməz. Deyə bilərik ki, Azərbaycan-Türkiyə münasibətləri maraqlardan üstün unikal bir xarakterə malikdir. Bu, bir daha göstərir ki, Azərbaycanla Türkiyə bir millət, iki dövlətdir”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video