07:54 23 Sentyabr 2021
ONLINE XƏBƏR LENTİ
00:35 23.09.2021

Yolumuz Qarabağadır!


00:33 23.09.2021

Əbədiyaşar aktyor


Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Duzlu göl, yoxsa infeksiya mənbəyi?!

ANA SƏHİFƏ / OXUCU MƏKTUBLARI
00:28 12.09.2021

 

Bakının Hövsan qəsəbəsi istiqamətində, Xəzərin sahilində yerləşən Duzlu  gölü tanımayan, ya da haqqında eşitməyən az adam tapılar. Mən də bu gölün adını eşidib, özünü görməmişdim.

Bu günlər yaxın qonşumun təkidilə yolum oradan düşdü. İnsanların şəfa tapmaq üçün üz tutduğu gölün nə dərəcədə xeyirli və xeyirsiz olduğunu deyə bilmərəm, amma ərazidəki natəmizlik  gələnlərdə ikrah doğurur. Burada gölə gələnlərin zəruri ehtiyacları üçün heç bir şərait yoxdur. Elə bu səbəbdən 2006-cı ildən göldən istifadəyə qadağa qoyulub. Buna baxmayaraq, yay fəsli başlayandan burada səhərdən axşamacan insan əlindən tərpənmək olmur. COVID-19 virusunun tüğyan etdiyi indiki vaxtda gölün ətrafındakı vəziyyət əsl yoluxma mənbəyidir.   

Yaxşı olar ki, aidiyyəti qurumlar insanların sağlamlığını nəzərə alıb gölün ətrafındakı antisanitariyaya son qoyaraq burada tibb məntəqələri yaradardılar. Ümumiyyətlə, bu gölün müalicəvi əhəmiyyəti barədə əhaliyə peşəkar səviyyədə doğru-düzgün məlumat vermək lazımdır. Əgər gölün suyu həqiqətən müalicəvi əhəmiyyətə malikdirsə və ərazidə  sanitar-gigiyenik qaydalara əməl edilib müəyyən işlər aparılsa, hətta bura sağlamlıq turizmi üçün əlverişli məkana çevrilə bilər.

 

Salman HƏSƏNOV,

Bakı şəhəri Nərimanov rayonunun sakini



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM