06 Sentyabr 2021 10:02
276
DÜNYA
A- A+

Dünyada təhlükə altında olan heyvan və bitki növlərinin sayı rekord səviyyəyə çatıb

 

Dünyada təhlükə altında olan heyvan və bitki növlərinin sayı rekord səviyyəyə çatıb.

AZƏRTAC xəbər verir ki, dünyada tədqiq edilmiş 138 mindən artıq növün təxminən 28 faizi təhlükə altındadır. Bu barədə məlumatı Beynəlxalq Təbiəti Mühafizə İttifaqı (IUCN) yayıb.

Beynəlxalq qurumun məlumatına görə, qlobal istiləşmə, yaşayış arealının məhdudlaşması, qanunsuz ov və urbanizasiya, təbii fəlakətlər və digər faktorlar mavi planetdə flora və fauna üçün ağır fəsadlara yol açır. Təşkilatın “qırmızı siyahı”sında qeydiyyata alınan növlər üç əsas qrupda təsnif edilirlər: “təhlükə altında olan”, “yüksək dərəcədə təhlükə altında olan” və “nəsli kəsilmək üzrə olan”. Bildirilib ki, bir sıra kərtənkələ, qeko və tısbağa növlərinin populyasiyası ciddi şəkildə azalıb və onların təsnifatda yeri daha çox təhlükə altında olan növlər qrupuna dəyişdirilib. Hazırda vəhşi təbiətə cəmi 20 min şir, 7 min gepard və 4 min pələngin qalması da vəziyyətin nə qədər acınacaqlı olduğunu nümayiş etdirir. Müsbət irəliləyiş kimi isə ov kvotaları və beynəlxalq mühafizə sazişləri nəticəsində bir sıra balıq növlərinin populyasiyasının təhlükə altında olmadığı bildirilib.

Mərkəzi qərargahı İsveçrədə yerləşən IUCN sentyabrın 11-dək Fransanın Marsel şəhərində beynəlxalq konqres çərçivəsində növ müxtəlifliyinin qorunmasına dair müzakirələr aparacaqdır. Konqresin nəticəsində BMT-nin himayəsi altında növlərin və iqlimin qorunması və eləcə də ərzaq təhlükəsizliyinin təmin olunması üçün beynəlxalq zirvə toplantısı hazırlanmalıdır. Əsas hədəflər sırasında 2025-ci ilədək Amazon çayı hövzəsinin bitki və heyvan növlərinin 80 faizinin mühafizəsinə xidmət edən qlobal paktın imzalanması dayanır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video