26 Avqust 2021 01:31
1302
Səhiyyə
A- A+

Dünənədək İsmayıllıda əhaliyə 61575 doza koronavirus peyvəndi vurulub

 

İsmayıllıda COVID-19 infeksiyasına qarşı vaksinasiya prosesi davam edir. Dünənə qədər rayonun təhsil və səhiyyə işçiləri, hüquq mühafizə orqanlarında, sosial sektorda və ictimai-iaşə, ticarət obyektlərində çalışanların əksər hissəsi hər iki dozanı qəbul edərək vaksinasiyadan keçib. Eləcə də rayonun digər müəssisə və təşkilatlarında çalışanlar, habelə rayon sakinləri vaksinasiyada fəal iştirak edirlər.

İsmayıllı Rayon Mərkəzi Xəstəxanasının yoluxucu xəstəliklər şöbəsinin müdiri Fikrət Osmanov AZƏRTAC-a bildirib ki, rayonda təşkil edilən vaksinasiya məntəqələrində sakinlərə dünənədək 61575 doza peyvənd vurulub. 28878 nəfər isə hər iki dozanı qəbul edib.

Əhalini daha aktiv olmağa səsləyən şöbə müdiri deyib ki, vaksin insanları immuniteti gücləndirmək yolu ilə xəstəlikdən qoruyur, infeksiyanın ötürülməsini məhdudlaşdırır, ölüm halının qarşısını alır və nəticədə səhiyyə sisteminə düşən yük azalır.

Yanvar ayında birinci, daha sonra ikinci dozanı qəbul edən İsmayıllı sakini Təranə Məmmədova bildirib ki, peyvənd olunduqdan sonra səhhətində hər hansı narahatlıq yaranmayıb. Hər iki dozanı qəbul etdiyi üçün özünü COVID-19 bəlasından sığortalı hesab edən Təranə Məmmədova hər kəsi vaksinasiya prosesində aktiv olmağa səsləyib.

Yaşlı nəslin nümayəndəsi olan 70 yaşlı Rəhilə Cəbiyeva da vaksinasiya prosesində iştirak etmək üçün xəstəxanaya üz tutan rayon sakinlərindən biridir. İkinci dozanı qəbul edərək fikirlərini bizimlə bölüşən Rəhilə nənə də bu bəladan xilas olmağın yeganə yolunun peyvənd vurdurmaq olduğunu söyləyib.

Xatırladaq ki, dünənə qədər rayonda 3010 nəfərin COVID-19 diaqnozu pozitiv çıxıb. Hazırda rayonda aktiv xəstələrin sayı 323 nəfərdir. Həkimlərin səyi nəticəsində dünənə qədər COVID-19-dan 2615 nəfər sağalsa da, təəssüf ki, 72 nəfərin həyatını xilas etmək mümkün olmayıb. Vaksinasiya prosesində iştirak etmək istəyən sakinlər randevu.its.gov.az saytında qeydiyyata düşə və səhər saat 9-dan 18-dək rayon mərkəzi xəstəxanasında ayrılmış xüsusi vaksin otaqlarında peyvənd oluna bilərlər. Eyni zamanda, hərəkət məhdudiyyəti olan vətəndaşlara evlərində səyyar vaksinasiya xidməti göstərilir.

Qeyd edək ki, peyvəndləmə prosesində Çinin “Sinovac” şirkətinin istehsal etdiyi “CoronaVAC” vaksinindən istifadə olunur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video