Çıraqların yanar, suların axar olsun, Şuşa!
“Şükürbəyli-Şuşa” hava elektrik verilişi xəttinin tez bir zamanda - cəmi 73 günə tikilməsi ilə regionun energetikasında yeni rekord əldə olundu, düşmənin qurutduğu bulaqlarımız yenidən çağladı, təzə hotel qapılarını qonaqların üzünə açdı...
Prezident İlham Əliyevin düşmən tapdağından azad olunmuş Şuşaya növbəti səfəri təkcə aləmə səs salan “Xarıbülbül” musiqi festivalı ilə deyil, bir sıra digər hadisələrlə də əlamətdar oldu. Dövlət başçısı, birinci xanım Mehriban Əliyeva, qızları Leyla Əliyeva və Arzu Əliyeva burada bir sıra sosial və infrastruktur obyektlərinin təməlqoyma və açılış mərasimlərində iştirak etdilər.
İndi Şuşanın çırağı işğaldan əvvəlki vaxtda olduğundan da gur yanacaq. Burada 110/35/10 kilovoltluq “Şuşa” yarımstansiyası istifadəyə verildi, şəhərin nurunu, işığını daha da artırdı. Şuşa, eləcə də energetika qurğularının tikintisi sahəsində yeni bir rekorda şahidlik etdi. Belə ki, Füzulidəki “Şükürbəyli” yarımstansiyasından Şuşaya 110 kilovoltluq ikidövrəli elektrik verilişi xətti çəkilişi fasiləsiz, növbəlilik prinsipi ilə iki ay yarımdan da az bir müddətdə icra olundu. Bu isə yalnız Azərbaycan energetikasında deyil, bütün regionun energetika tarixində bir rekorddur.
Xatırladaq ki, Şuşa şəhərinin Azərbaycanın ümumi enerji sisteminə qoşulması, etibarlı, dayanıqlı və fasiləsiz elektrik enerjisi ilə təchiz edilməsi məqsədilə keçən ilin dekabrında “Şuşa” yarımstansiyasının və Füzuli rayonunun “Şükürbəyli” yarımstansiyasından başlayaraq 75 kilometr məsafədə 110 kilovoltluq “Şükürbəyli-Şuşa” hava elektrik verilişi xəttinin tikintisinə başlanmışdı.
Yarımstansiyanın və elektrik verilişi xəttinin tikintisi, çətin coğrafi şəraitdə aparılmasına baxmayaraq, ən qısa zaman ərzində yekunlaşdı.
Beləliklə, işğaldan azad olunmuş ərazilərin fasiləsiz və keyfiyyətli elektrik enerjisi ilə təchiz edilməsi istiqamətində işlər uğurla davam etdirilir. Hazırda Kəlbəcər, Füzuli, Cəbrayıl, Zəngilan, Qubadlı və Ağdamda, ümumilikdə, 9 yarımstansiya, eləcə də onları əlaqələndirən 110 kilovoltluq ötürmə xətlərinin tikintisi aparılır. Qarabağın “yaşıl enerji” zonasına çevrilməsi ilə bağlı dövlət başçısının qarşıya qoyduğu vəzifələrə uyğun olaraq, Suqovuşandakı iki kiçik su elektrik stansiyasında yenidənqurma, təmir və bərpa işləri yekunlaşıb. Yaxın vaxtlarda Kəlbəcərdə iki kiçik su elektrik stansiyasının tikinti və bərpasına başlanacaq.
Prezidentimiz dəfələrlə vurğulayıb ki, yurdlarına dönəcək insanlar üçün ən yaxşı şərait yaradılmalıdır. Çünki onlar uzun illər məcburi köçkün həyatı yaşayıblar. Ona görə də işğaldan azad edilmiş ərazilərdə genişmiqyaslı bərpa və quruculuq işləri həyata keçirilir. Mayın 12-də Şuşada 1 saylı ümumtəhsil məktəbinin təməlinin qoyulması bu istiqamətdə aparılan işlərdən biridir.
Erməni vandalları bu təhsil ocağını da tamamilə dağıtmışlar. Prezident İlham Əliyev məktəb üçün yeni binanın təməlini qoymaqla Azərbaycanın qədim təhsil müəssisələrindən birinə təzədən həyat verdi. Belə ki, bünövrəsi 1830-cu ildə qoyulan bu bilik ocağı Azərbaycanda və Cənubi Qafqazda ilk dünyəvi məktəb olub. 1980-ci ildə Ulu Öndər Heydər Əliyevin təşəbbüsü ilə məktəbin 150 illik yubileyi qeyd edilib.
Doğma yurda dönəcək şuşalıların balalarının təhsil alacağı yeni 960 şagirdlik tam orta məktəbin layihələndirilməsi və tikintisi məqsədilə Prezidentin Ehtiyat Fondundan Təhsil Nazirliyinə ilkin olaraq 3 milyon manat vəsait ayrılıb.
Azərbaycan öz Qarabağını dünyaya həm də yeni turizm destinasiyası kimi təqdim edəcək! Çünki bu torpağın, o cümlədən füsunkar Şuşanın turizm potensialı yüksəkdir, burada mövcud olan imkanlar həm daxili, həm də beynəlxalq turizmin inkişafı üçün geniş perspektivlər açır.
Bu baxımdan yeni hotellərin istifadəyə verilməsi də vacib məsələlərdəndir. Şuşada “Xarıbülbül” musiqi festivalının açılışı günü eyniadlı hotelin yenidənqurmadan sonra istifadəyə verilməsi xoş bir hadisə idi. Prezident və ailə üzvləri tədbirdə iştirak etdilər. Dövlət başçısı hoteldə yaradılan şəraitlə tanış oldu.
“Xarıbülbül”də, ümumilikdə, 49 otaq var. Onların hamısında qonaqların qalması və rahat istirahət etməsi üçün bütün zəruri infrastruktur qurulub. Şübhəsiz ki, sözügedən hotel və istifadəyə veriləcək bu tipli digər obyektlər Azərbaycanın mədəniyyət paytaxtı olan Şuşanın turizm potensialının möhkəmləndirilməsində mühüm rol oynayacaq.
Daha bir maraqlı məqam: yeni hotelin işçiləri şuşalılar, o cümlədən işğal dövründə doğulan, indiyədək Şuşanı görməyən gənclərdir.
Həmin gün Şuşada yeni məscidin təməlini qoyan Prezident İlham Əliyevin, birinci xanım Mehriban Əliyevanın, qızları Leyla Əliyeva və Arzu Əliyevanın baş çəkdiyi yerlərdən biri də “Xan qızı” bulağı oldu. Burada dövlət başçısı dedi: “Natəvan bulağından yenə su gəlir. Natəvan bulağını bərpa etmişik. Keçən dəfə yanvar ayında Şuşada olarkən demişdim ki, Natəvan bulağını bərpa edəcəyik. Yenə də bulaq Şuşa sakinlərinin, qonaqların sərəncamına veriləcəkdir. Mənfur düşmən bu bulağı qurutmuşdu, bütün bulaqları qurutmuşdu. Bu da onu göstərir ki, Şuşa həmişə ermənilər üçün yad şəhər olub. İndi isə Şuşa dirçəlir və Şuşanın rəmzlərindən biri olan “Xan qızı” bulağı bərpa edilib”.
Məlum olduğu kimi, düşmən işğal dövründə Şuşa şəhərində Xan qızı Natəvanın evini də dağıdıb. Vaxtilə Azərbaycanda yaradılan ilk uşaq musiqi məktəbi - Şuşa Musiqi Məktəbi Xan qızı Natəvanın evində fəaliyyətə başlamışdı. Erməni vandalları XVIII əsrə aid bax, belə bir tarix-memarlıq abidəsini tarmar ediblər. İndi artıq işğal zamanı binaya dəyən ziyanın qiymətləndirilməsinə başlanıb. Bundan sonra bərpa işlərinə start veriləcək.
Prezident İlham Əliyev və ailə üzvləri “Xan qızı” bulağının suyundan içdilər.
Suların axar, çıraqların yanar olsun, Şuşa!
Flora SADIQLI,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"Avtomobil yolları haqqında" Azərbaycan Respublikasının Qanununda dəyişiklik edilməsi barədə...
29 Mart
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq e...
29 Mart
"Avtomobil yolları haqqında" Azərbaycan Respublikasının Qanununda dəyişiklik edilməsi barədə" Azərba...
29 Mart
“Müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitəl...
29 Mart
“Ödəniş xidmətləri və ödəniş sistemləri haqqında” Azərbaycan Respublikasının 2023-cü il 14 iyul tari...
29 Mart
Azərbaycan Respublikası Nazirlər Kabinetinin 2020-ci il 10 yanvar tarixli 5 nömrəli Qərarı ilə təsdi...
29 Mart
“Azərbaycan Respublikası Prezidentinin “Azərbaycan Respublikasının Vergi Məcəlləsində dəyişiklik edi...
29 Mart
“Azərbaycan Respublikası Prezidentinin “Vətəndaşların müraciətləri haqqında” Azərbaycan Respublikası...
29 Mart
“Bakı şəhərətrafı dəmiryol nəqliyyatı ilə sərnişindaşıma fəaliyyəti üzrə subsidiya verilməsi Qaydala...
29 Mart
“Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” ...
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!