11 Fevral 2021 11:54
858
Elm və texnika
A- A+

Çinin kosmik aparatı Mars orbitinə çatıb  

 

Çin “Tyanven-1” pilotsuz kosmik aparatı fevralın 10-da Marsın ilkin elliptik orbitinə yetişib və hərəkət trayektoriyasının korreksiyasına başlayıb.

AZƏRTAC Çin Mərkəzi Televiziyasına istinadla xəbər verir ki, hazırda Mars zondu Qırmızı planetin səthindən 400 kilometr hündürlükdə yerləşir.

Aparat buraxıldığı andan 470 milyon kilometr məsafə qət edib (Günəşin qravitasiya sahəsi səbəbindən Mars və Yer arasında birbaşa uçuş xətti olmadığından daha uzun – elliptik, parabolik və hiperbolik trayektoriya seçilir). Zond Mars orbitinə çıxan zaman planetimizdən 190 milyon kilometr uzaqlaşıb. Onun may-iyun aylarında Utopiya düzənliyinin cənub hissəsinə yumşaq eniş edəcəyi gözlənilir. Planetin bu hissəsində qrunt sularının olması ehtimal edilir. Mars zondu torpağın, ionosferin və iqlimin tədqiqi ilə məşğul olacaq.

“Tyanven-1” iyulun 23-də buraxılıb və 200 gündən çoxdur uçuşdadır. Missiyanın uğurlu alınacağı təqdirdə alimlər planetin atmosferini, relyefini, geoloji xarakteristikasını, maqnit sahəsini öyrənə biləcəklər. Bununla yanaşı, missiyanın əsas məqsədi Marsın gələcəkdə insan həyatı üçün yararlı ola biləcəyi barədə suala cavab tapmaqda alimlərə kömək etməkdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video