24 Iyul 2021 16:54
991
İDMAN
A- A+

Çingiz Hüseynzadə: İnanırıq ki, Tokio Olimpiadası da bizim üçün uğurlu olacaq  

“Tokio-2020” XXXII Yay Olimpiya Oyunlarının açılış mərasimi əvvəlkilərdən fərqlənirdi. Açılış mərasimlərində həmişə görkəmli incəsənət ustaları, aktyorlar iştirak edirlər. Bu dəfə onlar iştirak etmirdilər. Həmçinin iştirakçıların sayı az idi, tamaşaçılar arenaya buraxılmadı, komandalar səhnəyə tam heyətlə çıxmadılar.

AZƏRTAC xəbər verir ki, bunu Azərbaycan Milli Olimpiya Komitəsinin (MOK) vitse-prezidenti Çingiz Hüseynzadə “Tokio-2020” Yay Olimpiya Oyunlarının açılış mərasimi barədə danışarkən deyib.

MOK-un vitse-prezidenti bildirib: “Tədbirdə məhdudiyyətlər çox olsa da, texnoloji cəhətdən bəzi maraqlı hadisələr baş verdi. Ümumilikdə, pandemiya şəraiti nəzərə alınaraq, açılış mərasimi əvvəlkilərlə müqayisə oluna bilməz. Əsas odur ki, tədbir baş tutdu, Oyunlar başladı”.

Koronavirusla əlaqədar Yaponiyada ciddi hazırlıq tədbirlərinin getdiyini deyən Ç.Hüseynzadə bildirib ki, idman obyektlərinə daxil olan zaman ciddi yoxlamalar xeyli vaxt itkisinə səbəb olur. İdmançılar və nümayəndə heyətlərinin üzvləri hər gün test verirlər. Bu məsələ tam nəzarət altındadır.

İdmançılara uğurlar arzulayan MOK rəsmisi nəticələrlə bağlı proqnoz verməyin mümkün olmadığını söyləyib: “Yarışlar çətin olacaq. Hər gün nə isə baş verə bilər. Olimpiya kəndində hər gün kifayət qədər insan koronavirusa yoluxur. İdmançılar yarışlardan kənarlaşdırılır. Ona görə də proqnoz vermək mümkün deyil. Ancaq ümidlə yaşayırıq ki, idmançılarımızın nəticələri yaxşı olsun. İnanırıq ki, budəfəki Olimpiada da bizim üçün uğurlu alınacaq”.

Azərbaycan Tokio Olimpiadasında idmanın 13 növü üzrə 44 atletlə təmsil olunur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video