04:38 16 Oktyabr 2021
ONLINE XƏBƏR LENTİ
01:03 16.10.2021

16 oktyabr


00:53 16.10.2021

Qoruyucu “Dendra”


00:53 16.10.2021

Fişəngdən silaha


00:52 16.10.2021

İlk kimyəvi silah


00:50 16.10.2021

Süni gözlər


00:46 16.10.2021

“Ağıllı” saplar


Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Çin növbəti kosmik missiyasını orbitə göndərəcək
ANA SƏHİFƏ / DÜNYA
16:17 14.10.2021

 

Çinin kosmik stansiyasının quraşdırılması üçün növbəti missiya olan “Şencou-13” (Shenzhou-13) kosmik gəmisinin orbitə çıxarılma vaxtı və missiyada iştirak edəcək kosmonavtlar məlum olub.

AZƏRTAC Çinin Kosmos Agentliyinə istinadla xəbər verir ki, kosmonavtlar Cay Ciqan (heyətin kapitanı, general-mayor), Van Yapin (polkovnik) və Ye Quanfu (polkovnik) “Şencou-13” missiyasında iştirak edəcəklər. Kosmik gəmini orbitə aparacaq raketdaşıyıcının buraxılışı yerli vaxtla oktyabrın 16-da saat 00:23-də Qobi səhrasındakı Ciuçüən kosmodromunda baş tutacaq. Kosmik gəmini orbitə “Böyük yürüş-2F” raketi aparacaq. Artıq maye yanacağın raketin çənlərinə doldurulmasına başlanılıb.

General-mayor Cay Ciqan açıq kosmosa çıxmış ilk Çin kosmonavtıdır. O, 2008-ci ildə “Şencou-7” missiyasının da heyət kapitanı olub. Polkovnik Van Yapin Çinin kosmosa uçan ikinci qadın kosmonavtı, kosmik stansiyada çalışan ilk qadın kosmonavtı olacaq. O, 2013-cü ildə “Şencou-10” kosmik missiyasında da iştirak edib. Polkovnik Ye Quanfu isə ilk dəfə kosmosa uçacaq. Bu, Çinin orbitə göndərdiyi 8-ci insan missiyası, ölkənin kosmik stansiyasının quraşdırılması üçün isə ikinci insan missiyasıdır. Kosmonavtların kosmosda təxminən 6 ay qalması nəzərdə tutulur. Onlar kosmosda ən uzun müddət qalan Çin kosmonavtları olacaq.

Kosmik gəmi orbitə daxil olduqdan sonra kosmik stansiyanın “Tianhe” adlı əsas modulu ilə birləşəcək və kosmonavtlar modula keçəcəklər. Onlar kosmik stansiyada kosmonavtların fəaliyyəti və yaşaması, habelə stansiya xaricində əməliyyatların təşkili üçün texniki xidmətlərin yoxlanılması kimi bir çox vəzifələri yerinə yetirəcəklər. Kosmonavtların açıq kosmosda 2-3 əməliyyat icra edəcəkləri planlaşdırılıb.

Qeyd edək ki, Çinin kosmos proqramının vacib mərhələsi olan kosmik stansiya idarəetmə mərkəzi, heyətin yaşayış yeri və 2 laboratoriya kapsullarından ibarət olacaq. Ümumi çəkisi 70 ton təşkil edəcək və quraşdırılması gələn ilin sonunda başa çatacaq stansiya aşağı Yer orbitində, təxminən 340-450 kilometr yüksəklikdə fəaliyyət göstərəcək. Stansiyanın quraşdırılması üçün 11 missiya həyata keçiriləcək ki, bunların üçündə stansiyanın modullarının, dördündə yük gəmilərinin, digər dördündə isə kosmonavtların uçuşu nəzərdə tutulub.

Stansiyasının quraşdırılması üçün ilk insan missiyası (“Şencou-12”) iyunun 17-də kosmosa göndərilmiş və 3 aylıq fəaliyyətdən sonra Yerə qayıtmışdılar.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM