Britaniya Parlamentinin Azərbaycan Qrupunun ümumi illik iclası keçirilib
Fevralın 25-də Böyük Britaniya-Azərbaycan parlamentlərarası əlaqələr üzrə işçi qrupunun illik ümumi iclası keçirilib. İclasda qrupun sədri, Mühafizəkarlar partiyasının üzvü Bob Bləkmən, qrupun Lordlar və Nümayəndələr Palatasından olan üzvləri, Azərbaycan-Böyük Britaniya parlamentlərarası əlaqələr üzrə işçi qrupunun rəhbəri Cavanşir Feyziyev, Azərbaycanın Birləşmiş Krallıqdakı səfiri Tahir Tağızadə və Milli Məclis Aparatının Beynəlxalq münasibətlər şöbəsinin müdir müavini Babək Ağayev iştirak ediblər.
Tədbirdə Bob Bləkmən Böyük Britaniya-Azərbaycan parlamentlərarası əlaqələr üzrə işçi qrupunun sədri vəzifəsinə yenidən təsdiqlənib və qrupun rəhbər heyətinin tərkibi razılaşdırılıb.
Xocalı soyqırımının 29-cu ildönümü ərəfəsində keçirilən iclasda sədr Bob Bləkmən Azərbaycan xalqına və faciə qurbanlarının yaxınlarına başsağlığı verib. O, bununla bağlı Nümayəndələr Palatasında irəli sürdüyü ilkin qanunvericilik təşəbbüsündən danışaraq, belə faciələrin baş verməməsi üçün bundan sonra da anım tədbirlərinin keçirilməsinin əhəmiyyətini qeyd edib.
Qrupun sədri və üzvləri çıxışlarında Azərbaycanın əzəli torpaqlarını işğaldan azad etməsini məmnunluqla vurğulayıblar. Onlar işğaldan azad olunan ərazilərə səfər etmək niyyətlərini bildiriblər.
Səfir Tahir Tağızadə çıxışında regiondakı hazırkı vəziyyət haqqında məlumat verərək, Böyük Britaniyanın Avropa qonşuluğu və Amerika məsələləri üzrə dövlət naziri xanım Vendi Mortonun fevralın 8-10-da ölkəmizə səfərinin nəticələrinə toxunub. Səfərin çox uğurlu keçdiyini qeyd edən diplomat ölkələrimiz arasında işğaldan azad edilən ərazilərin bərpası da daxil olmaqla genişmiqyaslı əməkdaşlıq üçün yeni imkanların mövcudluğunu vurğulayıb.
Azərbaycan-Böyük Britaniya parlamentlərarası əlaqələr üzrə işçi qrupunun rəhbəri Cavanşir Feyziyev işçi qrupunun üzvlərini ölkəmizə səfərə dəvət edib. O, səfər zamanı qrupun üzvlərinin azad edilmiş ərazilərdə vəziyyətlə tanışlıq imkanı qazanacaqlarını vurğulayıb.
Milli Məclis Aparatının beynəlxalq münasibətlər şöbəsinin müdir müavini Babək Ağayev bu müzakirələrin davamı olaraq, Azərbaycanın işğaldan azad edilmiş ərazilərində mövcud vəziyyətlə bağlı beynəlxalq parlamentarilərin və jurnalistlərin məlumatlandırılması istiqamətində görülən işlər haqqında məlumat verib.
Tədbirdə Britaniya parlamentinin nümayəndə heyətinin ölkəmizə səfərinin növbəti aylarda həyata keçirilməsi barədə razılıq əldə olunub.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Roma Papası Ukrayna ilə bağlı danışıqlara başlamağa çağırıb
25 Aprel
İqlim dəyişmələri ilə bağlı beynəlxalq mübahisələrin sayı getdikcə artacaq
25 Aprel
Sabunçuda qızıl dükanını talayan və çətənə kolları əkən şəxslər saxlanılıblar
25 Aprel
Komitə sədri: Azərbaycanın əsas prioritetlərindən biri Türk dövlətləri ilə əlaqələrin gücləndirilməs...
25 Aprel
Bu gün dünyada dörd əlamətdar gün qeyd olunur
25 Aprel
Baş Prokurorluq Nəsib Quliyevin intiharı ilə bağlı dəqiqləşdirilməmiş xəbərlər yayan media subyektlə...
25 Aprel
Fuat Oktay: Türk dövlətlərinin bir araya gəlməsində məqsəd sülhü dəstəkləməkdir
25 Aprel
Vəkilliyə namizədlərin təntənəli andiçmə mərasimi keçirilib
25 Aprel
Çin Azərbaycan-Ermənistan münasibətlərinin normallaşması prosesindəki tərəqqini alqışlayır ...
25 Aprel
Aprelin 25-i Ümumdünya Malyariya ilə Mübarizə Günüdür
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!