07:18 20 Iyun 2021
ONLINE XƏBƏR LENTİ
00:51 20.06.2021

Çörək varsa...


00:48 20.06.2021

BİR XALLIQ TUR


00:31 20.06.2021

Stiv Klark sevincək olub


00:21 20.06.2021

Qızılı şəfa


00:19 20.06.2021

Bu çörək bir möcüzədir


00:18 20.06.2021

Həyat eleksiri


00:17 20.06.2021

Gəncliyə uzanan yol


00:16 20.06.2021

BİLDİRİŞ


00:15 20.06.2021 BİLDİRİŞ
Təbiətin yay melodiyası FOTO
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

BMT Təhlükəsizlik Şurası Quterreşin ikinci müddətə bu təşkilatın Baş katibi vəzifəsinə namizədliyini dəstəkləyib
ANA SƏHİFƏ / DÜNYA
15:16 09.06.2021

 

Birləşmiş Millətlər Təşkilatının Təhlükəsizlik Şurası (BMT TŞ) Antonio Quterreşin ikinci beş illik müddətə - 2022-ci ilin yanvarından 2026-cı il dekabrın 31-dək BMT-nin Baş katibi vəzifəsinə təyin olunmasını Birləşmiş Millətlər Təşkilatının Baş Assambleyasına tövsiyə edib. Bu barədə qətnamə yekdilliklə qəbul edilib.

AZƏRTAC BMT-nin rəsmi saytına istinadla xəbər verir ki, Baş Assambleyada səsvermənin iyunun 18-də keçirilməsi planlaşdırırlır.

Antonio Quterreş BMT-nin Baş katibi vəzifəsində fəaliyyətə 2017-ci il yanvarın 1-də başlayıb. Bundan əvvəl 2016-cı il oktyabrın 13-də BMT-nin Baş Assambleyası Təhlükəsizlik Şurasının tövsiyəsinə əsasən Quterreşin Portuqaliyadan irəli sürülmüş namizədliyini təsdiq etmişdi.

Xatırladaq ki, Antonio Quterreş 10 il (2005-2015-ci illərdə) BMT-nin Qaçqınlar məsələsi üzrə Ali Komissarı vəzifəsində çalışıb. 1949-cu il aprelin 30-da Lissabonda anadan olmuş Quterreş ali texniki məktəbdə mühəndis işini və fizikanı öyrənib, ali məktəbdə müəllim işləyib. 1974-cü ildə Sosialist Partiyasına daxil olub. Bu partiyanın Baş katibi vəzifəsinə seçiləndən üç il sonra, 1995-ci ildə Portuqaliyanın Baş naziri olub.

BMT Təhlükəsizlik Şurasında Quterreşin sələfi Cənubi Koreya nümayəndəsi, BMT-nin 8-ci Baş katibi Pan Gi Min olub. Pan Gi Min həmin vəzifədə Qana nümayəndəsi Kofi Annanı əvəz etmişdi. Daha əvvəl bu vəzifəni Butros Butros-Qali (1992-1996), Havyer Peres de Kuelyar (1982-1991), Kurt Valdhaym (1972-1981), U Tan (1961-1971), Daq Hammarşeld (1953-1961) və Tryuqve Li (1946-1952) tutub.

BMT-nin bütün tarixi ərzində katibliyə dörd dəfə Qərbi Avropa nümayəndəsi, Afrika və Asiyanın hərəsindən iki nümayəndə və Latın Amerikasının bir nümayəndəsi başçılıq edib.

BMT Nizamnaməsinə görə, Baş katib bu təşkilatın ali inzibati vəzifəli şəxsidir. O, Təhlükəsizlik Şurasının tövsiyəsinə əsasən Baş Assambleya tərəfindən təyin edilir. Bu prosesdə ən çətin vəzifə Təhlükəsizlik Şurasının üzərinə düşür. Burada gələcək Baş katibin namizədliyini ən azı 9 üzv, o cümlədən Şuranın bütün daimi üzvləri dəstəkləməlidirlər.

BMT-nin Baş katibi Quterreş Təhlükəsizlik Şurasının üzvlərinə təşəkkür edərək ümidvar olduğunu bildirib ki, Baş Assambleya da yeni beş illik müddətdə bu təşkilata rəhbərlik edilməsini ona etibar edəcək.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM