13 Iyun 2021 00:35
978
İQTİSADİYYAT
A- A+

Biləsuvarda taxıl biçini sürətlənir

 

Ölkənin iri taxılçılıq rayonlarından olan Biləsuvarda kütləvi biçinə start verilib.

Rayon ərazisində biçin kampaniyasının mütəşəkkil aparılması üçün 80-dən çox taxılbiçən kombayn sahələrə cəlb olunub.

AZƏRTAC xəbər verir ki, builki mövsümdə Biləsuvarda 34 min 845 hektar taxıl sahəsinin biçilməsi nəzərdə tutulur. Taxıl əkinlərinin 13 min 726 hektarını buğda, 21 min 119 hektarını arpa sahələri təşkil edir. Hazırda təsərrüfatlarda arpa biçini sürətlə davam etdirilir. İlkin olaraq rayonun Nəsimi, Nərimankənd, Aşağı Cürəli, Ağalıkənd, Təzəkənd kəndlərindəki zəmilərin məhsulu yığılır. Arpa sahələrinin hər hektarında orta məhsuldarlıq 31 sentnerdən yuxarı təşkil edir. Bu göstəricinin yaxın günlərdə artacağı proqnozlaşdırılır.

Fermer Teymur Quliyev bildirib ki, ötən il hər hektardan 30-31 sentner məhsul götürmüşdü. Bu il isə biçin yeni başlasa da, məhsuldarlıq qaneedicidir: “Sahələrdən 50 sentner məhsul yığa bilərik. Qonşumuzda biçin başa çatıb və o da hər hektardan 50 sentner taxıl götürüb. Bütün bunlar hamısı dövlətimizin bizə yaratdığı şərait sayəsində olub. Vaxtında subsidiya, gübrə verilir. İstədiyimiz vaxt gedib gübrəni ala bilirik. Yaradılan bu əlverişli şəraitə görə dövlətimizin başçısına minnətdarlığımızı bildiririk”.

Digər fermer Rafiq Əmirov da sahələrdə məhsulun bol olduğunu söyləyib. “Beş hektar torpaq sahəm var. Hazırda əkin-biçin işləri aparıram. Ötən il məhsuldarlıq 20 sentner idi, bu il isə 50 sentner. Qarşıya məqsəd qoymuşam ki, gələn il əkin sahəsini bir az artıram. Qoy taxılımız, məhsulumuz bol olsun”, - deyə o bildirib.

“Aqroservis” ASC-dən verilən məlumata görə, hava şəraiti əlverişli keçərsə, iyunun 18-dək aran və dağətəyi rayonların böyük hissəsində arpa biçini yekunlaşacaq. Bundan sonra kombaynlar dağlıq və şimal rayonlarına dislokasiya olunacaq və həmin ərazilərdə biçin işləri davam etdiriləcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video