Bəzi meyvələrin qan duruldan dərman vasitələri ilə birgə istifadəsi koronavirus xəstələri üçün məsləhət deyil
Qan duruldan dərman preparatlarından istifadə edən koronavirus xəstələri xüsusilə yay mövsümündə meyvə, giləmeyvə və tərəvəzlərdən istifadə zamanı ehtiyatlı olmalıdırlar.
AZƏRTAC xəbər verir ki, bunu həkim-infeksionist, tibb üzrə fəlsəfə doktoru Vüqar Cavadzadə deyib.
Həkim-infeksionist bildirib ki, qan duruldan dərman vasitələri ilə qan durulaşdırıcı xüsusiyyətə malik meyvələrin, məsələn, albalı, gilas və narın müalicə müddətində birgə istifadəsi məsləhət deyil: “Koronavirus infeksiyası qanın laxtalanma prosesinə təsir göstərir. Laborator müayinə zamanı qanın laxtalanmasının normada olmadığı ortaya çıxarsa, xəstəyə mütləq qan durulaşdırıcılar təyin edilir. Yay meyvə-tərəvəzlərlə bol mövsüm olduğu üçün yay meyvələri arasında qan durulaşdırıcı xüsusiyyətə malik olanları da çoxdur. Əslində, meyvə-tərəvəzlər təbii olduğu üçün xəstələrdə ciddi fəsadlar yaratmır, amma qan duruldan dərman vasitələri ilə birgə qəbul olunması məsləhətli deyil. Bundan başqa, şəkərli diabet xəstələri üzüm, şaftalı və ərik kimi qlükoza ilə zəngin meyvələrdən müalicə zamanı davamlı istifadə edərlərsə, qanda şəkərin miqdarı kəskin artar. Bu, xəstənin koronavirusdan sağalma müddətini uzadır. Həmçinin digər yanaşı xəstəliyi olanlar da mütləq pəhriz saxlamalıdırlar. Məsələn, qaraciyər xəstələri yağlı qidalardan, böyrək xəstəliyi olanlar duzlu qidalardan, allergik xəstələr isə sitrus meyvələrindən mümkün qədər uzaq durmalıdırlar. Çünki belə qidalardan istifadə xroniki proseslərin kəskinləşməsinə gətirib çıxarır”.
V.Cavadzadənin sözlərinə görə, lazım olan miqdarda meyvə-tərəvəz qəbulu isə immun sisteminin möhkəmlənməsinə və xəstəliyə qarşı dözümlülüyün artmasına səbəb olur: “Eyni zamanda, düzgün qidalanma nəticəsində koronavirusdan sağalma müddəti qısalmış olur. Meyvələrin əksəriyyəti qanın laxtalanmasını normal həddə saxlayır. Yəni, yay mövsümündə vitaminlə zəngin qidaların qəbulu orqanizm üçün faydalıdır. Gün ərzində ehtiyac duyulan vitamin qəbulu zamanı orqanizm özü-özünü tənzimləyir”.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycan üzgüçüsünün “Paris-2024”də iştirakı üçün Beynəlxalq Paralimpiya Komitəsinə müraciət olunu...
25 Aprel
AQTA COP29-la bağlı keçirdiyi monitorinqdə 93 müəssisədə nöqsanlar aşkarlayıb
25 Aprel
Yasemi Öztürk: Ölkələrimiz arasında əlaqələr Qarabağ Zəfərindən sonra daha dinamik xarakter alıb...
25 Aprel
Məktəblilər süni intellektin coğrafiyada rolu barədə məlumatlandırılıb
25 Aprel
Macarıstan XİN: Qarabağın minalardan təmizlənməsi üçün dəstək verməyə hazırıq
25 Aprel
Sabah paytaxtda 29, bəzi bölgələrdə isə 31 dərəcə isti olacaq
25 Aprel
Dilorom Favziyeva: Bakıda toplanmağımız birliyimizin, dostluğumuzun bariz nümunəsidir
25 Aprel
Roma Papası Ukrayna ilə bağlı danışıqlara başlamağa çağırıb
25 Aprel
İqlim dəyişmələri ilə bağlı beynəlxalq mübahisələrin sayı getdikcə artacaq
25 Aprel
Sabunçuda qızıl dükanını talayan və çətənə kolları əkən şəxslər saxlanılıblar
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!