03 May 2014 08:05
296
Səhiyyə
A- A+

Beyin üçün ən sadə məşqlər

Bizim beyin bir əzələ kimidir. Onu gündəlik işlətməsək, sözümüzə baxmayacaq, başın “düşün!” əmrinə tabe olmayacaqdır.

Mütəxəssislər bildirirlər ki, beyin işləməlidir, ancaq onun həddindən artıq yüklənməsi də yolverilməzdir. Bu zaman beynin boz hüceyrələri tükənə bilər.
Amma, eyni zamanda, beyin əzələlər kimi primitiv də deyildir. Hər gün kompyuterdə 10 min işarə yazmaq, yaxud küçə süpürmək kimi adi və oxşar işlər beynin yaxşı işləməsi üçün kifayət deyildir. Əksinə, eyni işlər gec-tez cansıxıcı və darıxdırıcı olacaqdır. Hər gün eyni işi görmək, eyni adamlarla ünsiyyətdə olmaq, bir-birinə oxşar günləri yaşamaq, söz yox ki, beyni kütləşdirir, yaddaşı zəiflədir. Beyni isə daim təəccübləndirmək, hətta qeyri-adi gimnastika ilə aldatmaq lazımdır. Bunun üçün xüsusi vaxt ayırmaq, əlavə pul xərcləyib idman zallarına, sağlamlıq mərkəzlərinə getmək tələb olunmur. Öz evinizdə, iş yerinizdə, yol gedərkən belə ən sadə məşqlərlə beyninizi gücləndirə bilərsiniz.
Mütəxəssislərin fikrincə, beyni işlətmək üçün birinci növbədə diş fırçalayanda, şorba yeyəndə, kompyuterdə məktub yazanda işə sol əllə (solaxaylar isə sağ əllə) başlamaq lazımdır. Bu, beynin sol yarımkürəsinin fəaliyyətini artırmaq üçündür.
Özünüzdə yeni bacarıqları təcrübədən keçirin. Öz mənzilinizdə gözləri yumulu halda duş qəbul edin. Cibinizdəki sikkəni müəyyən etməyə çalışın. Korlar üçün oxu və yazı sistemini öyrənməyə cəhd edin. Evinizdə yaxınlarınızla jestlərlə ünsiyyət qurun. Bu, beynin hərəkətsiz qalan sahələrini oyatmaq, neyronların beyin boyunca yayılması üçündür.
İmicinizdə dəyişiklik etmək, yeni və qeyri-adi paltarlar geyinmək, saçınızın rəngində və düzümündə, makiyajınızda dəyişikləri sınamaq da beyin üçün faydalıdır.
Öyrəndiyiniz yoldan uzaq olsa belə işə fərqli marşrutlarla gəlməyi və getməyi yaddan çıxarmayın. Tez-tez müxtəlif məkanlara səyahət edin. Hər məzuniyyətdə çalışın ki, tanış olmadığınız yerlərə gedəsiniz, tez-tez muzey və sərgilərə baş çəkin. Fizioloqların son tədqiqatlarına görə, bütün bunlar yaddaşı gücləndirir.
Evinizdə və iş yerinizdə tez-tez dizaynı dəyişin. Hər həftə mətbəx avadanlıqlarının yerini dəyişməyə cəhd edin. Bir neçə dəqiqə ərzində sağ ayağınıza hündürdaban ayaqqabı, sol ayağınıza isə başmaq geyinib mənzildə gəzinin. Bu yolla beynin hissiyyatını artıra bilərsiniz.
Yaradıcı təfəkkürünüzü inkişaf etdirmək istəyirsinizsə, mənasız suallara cavab verməkdən, şablonçuluqdan yayının. Hər dəfə yeni bir söz barədə düşünün, lətifələr quraşdırın və maraqlı əhvalatları xatırlayın.
Nəhayət, hər həftə 150 dəqiqə hərəkət beyin fəaliyyətinə ciddi təsir edir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video