12 Avqust 2015 11:08
864
Turizm
A- A+

Belçikalı turist: İnsanlarınızın qonaqpərvərliyini ölkənizə səfərimin elə ilk günündən hiss etməyə başladım

Şəkinin füsunkar təbiəti var. İnsanlarınızın qonaqpərvərliyini isə ölkənizə səfərimin elə ilk günündən hiss etməyə başladım. Burada özümü qərib saymıram. Hamı mənə isti münasibət göstərir, hər işdə kömək etmək istəyir. Qonaqpərvərlik elə bir yüksək mənəvi dəyərdir ki, indi Avropada belə dəyərlərə çox az rast gəlirsən.

Bu sözləri AZƏRTAC-a müsahibəsində Şəkidə səfər olan belçikalı turist Saskiya Lemier deyib.

Saskiya Lemier əslən belçikalı olsa da, hazırda Hollandiyada yaşayır, universitetlərdən birində professor köməkçisi işləyir. Şəkidən sonra Bakıya, oradan da Təbrizə yola düşəcək. Ölkəmizlə tanışlıqda ona rəfiqəsi, bir yerdə təhsil aldığı Ellada Abbasova bələdçilik edir.

Şəki xanlarının sarayı ilə tanışlıq belçikalı turistin xüsusilə böyük marağına səbəb olub. Qonaq təəssüratlarını bölüşərək deyib: “İlk dəfədir belə gözəl saray görürəm. Avropada bunun bənzəri yoxdur. Sarayın otaqlarını gəzərkən özümü bir anlığa keçmişdə hiss etdim. Otaqların tərtibatı, rənglərin ahəngi çox xoşuma gəldi. Maraqlısı budur ki, hər otağa öz funksiyasına uyğun tərtibat verilib. Sarayın şəbəkə pəncərələri xüsusilə cəlbedicidir, hər biri sanki bir sənət əsəridir. Çox incə işlənib. Düzü, ilk dəfədir belə əl işlərinə rast gəlirəm. Bu saray Avropada gördüyüm abidələrdən fərqlənir”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video