23 Oktyabr 2011 12:10
316
Səhiyyə
A- A+

Bakıda süd vəzisi xərçəngi ilə mübarizəyə həsr edilmiş «Qadın sağlamlığını qoruyaq» aksiyası keçirilmişdir

 

Oktyabrın 22-də Azərbaycan Respublikası Səhiyyə Nazirliyi Milli Onkologiya Mərkəzinin (MOM) "Qadın dünyası" şöbəsi Heydər Əliyev Fondunun dəstəyi ilə süd vəzisi xərçəngi ilə mübarizəyə həsr edilmiş "Qadın sağlamlığını qoruyaq" aksiyası keçirmişdir.

AzərTAc xəbər verir ki, Beynəlxalq süd vəzi xərçəngi haqqında maarifləndirmə ayı çərçivəsində ölkəmizdə ilk dəfə keçirilən aksiya paytaxtın Nizami və Səməd Vurğun küçələrinin kəsişməsi, Dəniz Limanının binasının qarşısından və Azneft meydanından başlamışdır. Aksiya iştirakçıları ictimaiyyətin diqqətini süd vəzisi xərçəngi probleminə cəlb etmiş və bu xəstəliklə mübarizə aparan insanlara dəstək olmuşlar.

Aksiyanın məqsədi respublikada süd vəzisi xərçəngi xəstəliyinin vaxtında diaqnostikasını təkmilləşdirmək və ölüm hallarının sayını azaltmaq məqsədilə xəstəlik, risk amilləri və özünümüayinə üsulları haqqında bilik səviyyəsini artırmaqdan ibarətdir.

Çəhrayı libas geyinən yürüş iştirakçıları və MOM-un əməkdaşları xəstəlik və ən sadə profilaktika üsulları haqqında məlumatları özündə əks etdirən broşürləri paytaxt sakinlərinə paylamışlar.

Bakı sakinləri aksiyanın əhəmiyyətini profilaktik tədbirlər baxımından yüksək qiymətləndirmişlər.

Dənizkənarı Milli Parkda quraşdırılmış monitorda xəstəliyin müalicəsi və diaqnostikası sahəsində mövcud olan müasir imkanlar haqqında məlumat verən videoçarx nümayiş etdirilmişdir.

Sonda Dənizkənarı Milli Parkda aksiyaya həsr olunmuş konsert proqramı təşkil edilmişdir.

Dünya Səhiyyə Təşkilatı 1993-cü ildən etibarən oktyabr ayını süd vəzisi xərçəngi ilə mübarizə ayı elan etmişdir. Bir çox ölkələrin ictimai təşkilatları və hakimiyyət strukturları ilin bu dövründə süd vəzisi xərçənginin profilaktikası və müalicəsi məsələlərinə diqqəti artırırlar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video