08 Dekabr 2011 01:12
390
Mədəniyyət
A- A+

Bakıda Latviya rəssamlarının sərgisi açılmışdır

 

Azərbaycanda Latviya mədəniyyəti günləri çərçivəsində "Qız qalası" qalereyasında Latviya rəssamlarının sərgisi açılmışdır.

AzərTAc xəbər verir ki, ekspozisiyada Latviyanın iki tanınmış rəssamının - Aleksey Naumovun və Andris Vitolinsin işləri təqdim edilmişdir.

Sərginin açılışında Moskva Dövlət Universitetinin Bakı filialının rektoru, professor Nərgiz Paşayeva, Bakıda akkreditə olunmuş diplomatik korpusun nümayəndələri, mədəniyyət və incəsənət xadimləri iştirak etmişlər.

Latviyanın Azərbaycandakı səfiri Xardi Baumanis qonaqları səmimi salamlamış və rəssamları təqdim etmişdir. X.Baumanis sərginin təşkilatçılarına və iştirakçılarına minnətdarlığını bildirmişdir.

Azərbaycan Rəssamlıq Akademiyasının rektoru Ömər Eldarov öz həmkarı, Latviya Rəssamlıq Akademiyasının rektoru, müxtəlif ölkələrdə 100-dən çox fərdi və kollektiv sərginin müəllifi Aleksey Naumovun yaradıcılığından qısaca danışmışdır. Qeyd edilmişdir ki, onun parlaq və əlvan rəsmləri səyahət təəssüratı oyadır. Rəssam mənzərə əhvalını və xüsusiyyətlərini elə canlı və harmonik şəkildə ifadə edir ki, özünü orada hiss edirsən, günəş şüalarının hərarətini, dənizin səsini, dağ havasının təmizliyini duyursan. Aleksey Naumov öz işlərini Bakıda ilk dəfə nümayiş etdirir.

Andris Vitolinslə isə bakılılar yaxşı tanışdırlar. O, 1-ci və 2-ci beynəlxalq "Qız qalası" festivallarında iştirak etmiş və festivalın şərtlərinə görə Qız qalasının maketi üzərində rəsmlər çəkmişdir. Onun işlərini ümumi mövzu - texniki konstruksiyalar, rənglərin və dəqiq həndəsi formaların əlaqəsi birləşdirir. Zahirən "sənaye aləmi"ni xatırlatdığına baxmayaraq, onun rəsmlərində nəfislik və musiqi duyulur. A.Vitolinsin rəsmləri bir çox xüsusi kolleksiyalarda və muzeylərdə, o cümlədən Bakıdakı Müasir İncəsənət Muzeyində saxlanılır.

A.Naumov və A.Vitolins iki tam müxtəlif dünyanın - rahatlıq gətirən sükutun və müasir tikililərin - həyatın inanılmaz sürətlə gələcəyə can atdığı bir dünyanın nümayəndələridir. Hər iki dünya daim qarşılıqlı əlaqədədir, varlığımızın tam harmoniyasını yaradır.

Sərgi dekabrın 17-dək davam edəcəkdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video