28 Mart 2012 12:03
349
Mədəniyyət
A- A+

Bakıda «Eurovision-2012» mahnı müsabiqəsinin püşkatma mərasimi olmuşdur

 

Azərbaycan təmsilçisi finalda səhnəyə 13-cü çıxacaqdır

 

Bakıda "Eurovision" Mərkəzində Azərbaycanın ev sahibliyi etdiyi "Eurovision-2012" mahnı müsabiqəsi ilə bağlı püşkatma mərasimi keçirilmişdir. Püşkatma nəticəsində mayın 22-si və 24-də keçiriləcək yarımfinallardakı ölkələrin, o cümlədən mayın 26-da birbaşa final mərhələsində təmsil olunacaq 6 ölkənin şouda çıxışlarının ardıcıllığı müəyyən edilmişdir.

AzərTAc xəbər verir ki, "Eurovision- 2012"də çıxış edən 42 ölkənin nümayəndə heyətlərinin rəhbərlərinin iştirakı ilə keçirilmiş mərasim Azərbaycan paytaxtının görüntülərindən ibarət hazırlanmış xüsusi videoçarxın nümayişi ilə başlanmışdır.

Püşkatma mərasiminin aparıcıları qonaqları Azərbaycan və ingilis dillərində salamlamış və  bu tədbirin Novruz bayramı günlərinə təsadüf etdiyini bildirmişlər.

Tədbirdə Azərbaycan xalqının tarixi keçmişini özündə əks etdirən  Novruz bayramı barədə iştirakçılara məlumat verilmişdir.

"Eurovision" mahnı müsabiqəsinin icraçı rəhbəri Yan Ola Sand Azərbaycana dəfələrlə gəldiyini vurğulamış və burada müsabiqə ilə bağlı görülmüş işləri yüksək qiymətləndirmişdir.

Sonra müsabiqənin püşkü atılmışdır. Püşkatmanın nəticəsinə görə, mayın 22-də keçiriləcək birinci yarımfinalda çıxış edəcək ölkələrin ardıcıllığı belə sıralanmışdır: Monteneqro, İslandiya, Yunanıstan, Latviya, Albaniya, Rumıniya, İsveçrə, Belçika, Finlandiya, İsrail, San-Marino, Kipr, Danimarka, Rusiya, Macarıstan, Avstriya, Moldova, İrlandiya.

Mayın 24-də keçiriləcək ikinci yarımfinalda çıxış edəcək ölkələrin çıxış ardıcıllığı isə belə olmuşdur: Serbiya, Makedoniya, Niderland, Malta, Belarus, Portuqaliya, Ukrayna, Bolqarıstan, Sloveniya, Xorvatiya, İsveç, Gürcüstan, Türkiyə, Estoniya, Slovakiya, Norveç, Bosniya və Herseqovina, Litva.

Mayın 26-da keçiriləcək və Azərbaycanın da çıxış edəcəyi final mərhələsində Böyük Britaniya 1-ci, İtaliya 10-cu, Azərbaycan 13-cü, İspaniya 19-cu, Almaniya 20-ci, Fransa isə 9-cu çıxış edəcəkdir. Finalda yarışacaq digər ölkələr isə yarımfinallarda səsvermə zamanı məlum olacaqdır. Finala keçən ölkələrin çıxış nömrəsi yarımfinaldan sonra keçiriləcək püşkatma mərasimində məlum olacaqdır.

Püşkatma mərasimi ənənəvi olaraq bu dəfə də eurovision.tv saytında canlı yayımlanmışdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video