17 Iyun 2021 11:22
696
SİYASƏT
A- A+

Bağdad Amreyev: Şuşa Bəyannaməsi bütün türk dünyasına xidmət edən bir çox məsələləri özündə əks etdirir  

Türk dünyasının qədim mədəniyyət beşiyi olan Şuşa şəhərində Azərbaycan Respublikası ilə Türkiyə Respublikası arasında imzalanan Müttəfiqlik Bəyannaməsini məmnuniyyətlə qarşıladığımı bildirmək istəyirəm. Şuşa Bəyannaməsi bütün türk dünyasında var olan həmrəyliyi gücləndirməyə xidmət edən bir çox məsələləri özündə əks etdirir.

AZƏRTAC xəbər verir ki, bu fikirləri Türkdilli Dövlətlərin Əməkdaşlıq Şurasının Baş katibi (Türk Şurası) Bağdad Amreyev Şuşa Bəyannaməsi ilə bağlı bəyanatında bildirib.

İki türk dövləti arasında imzalanan bu sənədin bütün türk dünyası üçün çox təsiredici və xoşagələn olduğunu deyən Baş katib bildirib: “Bu baxımdan Şuşa Bəyannaməsi türk dövlətləri arasında əhatəli əməkdaşlığın ən üst səviyyələrə çatdırılması üçün nümunəvi sənəd olaraq tarixə keçəcək. Bəyannamədə əks olunan iqtisadiyyat, nəqliyyat, diaspor, mədəniyyət kimi bir çox mövzu Türk Şurası daxilində mövcud əməkdaşlıq sahələri ilə güclü paralellik nümayiş etdirir. Bəyannamə yalnız iki ölkə və bu ölkələrin xalqlarının deyil, bütün türk dünyasının mənafeyinə xidmət göstərəcək. Azərbaycan və Türkiyə liderləri Türk Şurası və digər türk əməkdaşlıq təşkilatları çərçivəsində hər cür əməkdaşlığı davam etdirmək əzmində olduqlarını bir daha nümayiş etdirdilər. Beləliklə, bəyannamə şura çərçivəsində həyata keçirilən çoxtərəfli əməkdaşlığın əsaslı olduğunun təsdiqi mahiyyətini daşıyır.

Son olaraq Şuşa Bəyannaməsi bölgədə sülh, sabitlik və firavanlıq üçün güclü bir çağırışdır. Bölgə ölkələrini bütün tərəflərin xeyrinə konkret layihələrlə cənubi Qafqazda yeni bir sülh və sabitlik bölgəsi yaratmağa dəvət edir. Azərbaycan və Türkiyənin müttəfiqlik münasibətlərini siyasi və hüquqi mexanizmlər vasitəsilə inkişaf etdirmək əzmi Türk Şurasına üzv və müşahidəçi dövlətlər arasında, eləcə də bölgədə hərtərəfli əməkdaşlıq prosesini daha da gücləndirəcəyinə əminəm”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video