Bağdad Amreyev: Azərbaycanın torpaqlarını işğaldan azad etməsi ilə birliyimiz daha da gücləndi
Oktyabrın 3-ü Türkdilli ölkələr arasında əməkdaşlığı təsis edən Naxçıvan Sazişinin imzalanmasının 12-ci ildönümüdür. Əsrlər boyu davam edən qardaşlıq əlaqələrinin möhkəm tərəfdaşlığa çevrilməsini təmin edən bu tarixi gün hər il oktyabrın 3-də “Türkdilli Ölkələrin Əməkdaşlığı Günü” olaraq qeyd olunur. Üzv dövlətlərimiz ortaq evləri olan Türk Şurasının qısa müddət ərzində bölgədə və kənarda hörmətli, nüfuzlu bir qurum halına gəlməsi, əldə etdiyi uğurları və göstərdiyi səyləri ilə fəxr edir. Bütün çətinliklərə baxmayaraq, 2020-2021-ci illəri əhatə edən dövr türk dünyası üçün zəfər dövrü oldu. Bu dövr ərzində başda Azərbaycanın torpaqlarını işğaldan azad etməsi, suverenliyinin və ərazi bütövlüyünün yenidən bərpa olunması kimi əldə edilən çox əhəmiyyətli nailiyyətlərlə birliyimiz daha da gücləndi. 44 gün davam edən Vətən müharibəsi zamanında Türk Şurası bütün üzv ölkələr adından Azərbaycanın haqlı davasını ən güclü şəkildə dəstəklədi və əldə edilən Zəfər bütün dövlətlərimiz üçün qürur mənbəyinə çevrildi.
AZƏRTAC xəbər verir ki, bu fikirlər Türkdilli Dövlətlərin Əməkdaşlıq Şurasının (TDƏŞ) Baş katibi Bağdad Amreyevin “Türkdilli Ölkələrin Əməkdaşlığı Günü” münasibətilə yayımlanan təbrik mesajında ifadə edilir.
Mesajda deyilir: “Həmçinin bu il onlayn olaraq keçirilən qeyri-rəsmi Türküstan Zirvəsində liderlərimiz bir araya gələrək minillik sivilizasiyaların kəsişməsində bir mədəniyyət və mənəvi mərkəz olan Türküstan şəhərini türk dünyasının mənəvi paytaxtı elan etdilər. Liderlərimiz, bu Zirvə zamanı təşkilatın hazırkı işlərini, planlarını və layihələrini, gələcək perspektivlərini və məqsədlərini müzakirə etdilər və qiymətləndirdilər. Dövlət başçılarımızın Türküstan Zirvəsində verdiyi ən diqqət çəkən mesaj Şuramızın bayrağını öz ölkələrinin bayraqlarının yanına qoyaraq çəkdikləri birlik və həmrəylik rəsmi idi. Bu, təşkilatın səylərinə ən yüksək səviyyədə bağlılığın bariz təzahürüdür. Bildirmək istərdim ki, qardaş Türkmənistanın Türk Şurasında gözlənilən iştirakı gündəmimizi xeyli zənginləşdirəcək, gücləndirəcək və təşkilatımız daxilində əməkdaşlığa yeni təkan verəcək.
İş baxımından Türk Şurası son bir neçə ildə ən məhsuldar və aktiv dövrünü yaşayır. Bu il iqtisadiyyatdan nəqliyyata, sağlamlıqdan təhsilə, gənclikdən və idmandan turizmə qədər 20-dən çox əməkdaşlıq sahəsində konkret və məhsuldar işlər görmüşük. Bütün bu sahələri əhatə edən nazirlik və mütəxəssis görüşlərinə əlavə olaraq, müxtəlif mövzularda forumlar, yüksək səviyyəli konfranslar, sektoral seminarlar, təlimlər və potensialın artırılması proqramlarını təşkil etməyə davam etdik. İqtisadi əməkdaşlıq sahəsindəki sıx səylərimiz, ölkələrimizin kiçik və orta sahibkarlıqlarını (KOBİ) dəstəkləməyi hədəfləyən Türk İnvestisiya Fondunun çox tezliklə həyata keçirilməsi ilə öz bəhrəsini verəcək.
Digər tərəfdən, çətin şərtlərə ən yaxşı şəkildə uyğunlaşaraq təşkilat daxilində sağlamlıq sahəsində bir çox konkret işlər apardıq: Layihələr hazırladıq, əməkdaşlıq mexanizmləri qurduq, Dünya Sağlamlıq Təşkilatı ilə əməkdaşlığa başladıq, bütün sahələrdə pandemiyadan sonrakı dövrü planlarımıza daxil etdik və kənd təsərrüfatı, su və miqrasiya kimi yeni əməkdaşlıq sahələri üzərində işləmək üçün hərəkətə keçdik. Xüsusilə vurğulamaq istərdim ki, ölkələrimiz bu çətin dövrdə bir-birilərinə böyük texniki və humanitar yardımlar göstərir və epidemiya ilə mübarizədə ən yaxşı təcrübələri daim bölüşürlər.
Bütün bu fəaliyyətləri təqdim etmək üçün önümüzdəki ilin noyabr ayında İstanbulda təşkilatımız və bütün türk dünyası üçün həyati əhəmiyyətli bir çox qərarın alınacağı tarixi Lider Zirvəsi keçirəcəyik. Sağlam addımlarla gələcəyə doğru irəlilədikcə, həmrəyliyimizə həsr olunmuş bu vacib gündə məsuliyyətlərimizi ən güclü şəkildə hiss edirik. “Türk Dünyası 2040 Vizyonu”na daxil edilən yeni hədəflər və təşəbbüslərlə türk dövlətləri arasındakı əlaqələr daha sıx əməkdaşlıq və daha dərin inteqrasiya mərhələsinə qədəm qoyur.
Bu il, eyni zamanda, dörd üzv dövlətimizin müstəqilliyinin 30-cu ildönümünü qeyd edirik. Türk Şurası olaraq üzv dövlətlərimizin iqtisadi, sosial və siyasi sahələrdə əldə etdiyi uğurlar və tərəqqi ilə hər zaman qürur duyduğumuzu və ortaq məqsədlər naminə qətiyyətlə çalışacağımızı bildirmək istərdim.
Bu duyğu və düşüncələrlə, təşkilatımızın fəaliyyətinə davamlı dəstək və kömək etdikləri üçün üzv dövlətlərimizin dövlət başçılarına, nazirliklərə, ictimai qurumlara, iş dünyasının nümayəndələrinə və QHT-lərə dərin minnətdarlığımızı bildiririk. Sülh, birlik və həmrəylik diləklərimizlə, dünyanın bütün türk xalqlarının 3 oktyabr bayramını səmimi qəlbdən təbrik edirik”.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Netanyahu HƏMAS-ın “strateji aktivlərinə” həbs qoyulduğunu açıqlayıb
28 Mart
Rusiya XİN başçısı: Məhz KTMT İrəvanın maraqlarını çətin vəziyyətlərdə müdafiə edib...
28 Mart
ABŞ Konqresi Pentaqonun Afrikadakı dövlət çevrilişlərinə görə hesabat tələb edib
28 Mart
Azərbaycan boksçuları Bakıdakı beynəlxalq turnirdə 21 medal qazanıb
28 Mart
Lavrov: Ermənistan uydurma bəhanələrlə Rusiya ilə münasibətlərin pozulmasına çalışır
28 Mart
FTX terror aktının təşkilində şübhəli bilinən ukraynalını saxlayıb
28 Mart
BMT “İl-76” təyyarəsinin qəzaya uğraması ilə bağlı hesabat dərc edib
28 Mart
ABŞ Konqresinin nümayəndə heyəti Ankarada “F-16” tədarükü mövzusunu müzakirə edəcək
28 Mart
Gürcüstanın Baş naziri ölkə müsəlmanları üçün iftar süfrəsi təşkil edib
28 Mart
Naxçıvandan Qarabağa yollanan şəhid ailələri Füzuli rayonunda olublar
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!