02 Sentyabr 2021 16:14
685
Təhsil
A- A+

Azərbaycanlı tələbə Türkiyə birincisi olub

 

Qardaş ölkədə “Çift anadal” (İkili əsas ixtisas) proqramı ilə təhsil alan azərbaycanlı Nuray Allahverdiyeva Türkiyə birincisi olub.

Bununla bağlı AZƏRTAC-a müsahibə verən ölkəmizin Türkiyədəki səfirliyinin təhsil müşaviri Nəcibə Nəsibova həmyerlimizin bu uğurunun qürurverici və digər tələbələrimiz üçün nümunəvi hal olduğunu bildirib.

Həmyerlimiz haqqında məlumat verən N.Nəsibova deyib: “1999-cu il təvəllüdlü Nuray 2017-ci ildə Türkiyə Dəyanət Vəqfi Bakı Türk Liseyini həm qızıl medal, həm də qırmızı diplomla bitirib. Dövlət İmtahan Mərkəzi tərəfindən keçirilən imtahanlarda 690 bal toplayan həmyerlimiz ölkəmizdə bir çox ali təhsil müəssisəsində oxumaq hüququ qazanıb. O, eyni zamanda təqaüd proqramı ilə Türkiyədə təhsil almaq üçün aidiyyəti qurumlara müraciət edib. Azərbaycanda keçirilən imtahanlarda əldə etdiyi uğur nəzərə alınaraq Nuray Türkiyənin İstanbul Universitetinin Siyasi elmlər fakültəsinin beynəlxalq əlaqələr ixtisası üzrə təhsil alması üçün qardaş ölkəyə dəvət edilib. Bu dəvəti qəbul edən həmvətənimiz oxumağa başladığı İstanbul Universitetində də yüksək qiymətləri ilə seçilib. Elə bu səbəbdən də o, Türkiyədə fəaliyyət göstərən “Çift anadal” proqramı üzrə eyni vaxtda iki ixtisas üzrə təhsil almaq hüququ əldə edib. Bundan sonra Nuray eyni zamanda İstanbul Universitetinin İqtisadiyyat fakültəsində oxumağa başlayıb. Bu il məzun olan tələbəmiz yüksək təhsil göstəricilərinə görə Türkiyə birincisi, eyni zamanda, qardaş ölkədə təhsil alan azərbaycanlı tələbələr arasında birinci olub. Bu hal təhsil müşaviri və azərbaycanlı olaraq mənim üçün qürurvericidir. Hər bir tələbəmizin uğuru bizim qürurumuzdur. Qardaş ölkədə təhsil alan bütün tələbələrimizə uğurlar arzulayıram”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video