19:02 21 Oktyabr 2021
ONLINE XƏBƏR LENTİ
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycanla Tacikistan arasında iqtisadi-ticari əlaqələrin dərinləşdirilməsi məsələləri müzakirə edilib
 
ANA SƏHİFƏ / İQTİSADİYYAT
14:14 09.10.2021

Azərbaycanın Tacikistandakı səfiri Əlimirzamin Əskərov bu ölkənin iqtisadi inkişaf və ticarət naziri, Azərbaycan-Tacikistan Hökumətlərarası Birgə Əməkdaşlıq Komissiyanın həmsədri Zavki Zavkizoda ilə görüşüb.

AZƏRTAC xəbər verir ki, görüşdə Z.Zavkizoda Tacikistan Respublikasına səfir təyin olunması münasibətilə Ə.Əskərovu təbrik edib, ona diplomatik fəaliyyətində uğurlar arzulayıb.

Səfir iki ölkə arasında siyasi və iqtisadi əlaqələrin inkişaf etdiyini qeyd edərək, Azərbaycanda aparılan iqtisadi islahatlar və qeyri-neft sektorunun inkişafı barədə məlumat verib, Tacikistan şirkətlərini Azərbaycana investisiya qoymağa dəvət edib.

Ə.Əskərov Azərbaycan Prezidenti, Ali Baş Komandan İlham Əliyevin rəhbərliyi ilə rəşadətli Ordumuzun Vətən müharibəsindəki Qələbəsi barədə danışıb, işğaldan azad olunan ərazilərin bərpası və inkişafı ilə bağlı konsepsiyanın hazırlandığını, orada dövlət-özəl tərəfdaşlığından geniş istifadə olunmasının, həmçinin xarici investorlar üçün xüsusi təşviq proqramlarının, ərazilərin inkişafı məqsədilə xarici şirkətlərin cəlb edilməsinin nəzərdə tutulduğunu bildirib.

Z.Zavkizoda Tacikistan və Azərbaycanın biznes dairələrinin əməkdaşlıq münasibətlərinin inkişafında maraqlı olduğunu qeyd edib, iki ölkə arasında iqtisadi əlaqələrin genişləndirilməsi istiqamətində səy göstərəcəyini bildirib.

Görüşdə, həmçinin Azərbaycan ilə Tacikistan arasında mövcud iqtisadi əlaqələr və bu əməkdaşlığın genişləndirilməsi perspektivləri, o cümlədən turizm sahəsinin inkişafı məsələləri müzakirə olunub.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM