28 Sentyabr 2011 12:09
1131
Milli Məclis
A- A+

Azərbaycanla Argentina arasında əməkdaşlığın genişləndirilməsi üçün geniş imkanlar var

 

Sentyabrın 27-də Milli Məclisin Sədri Oqtay Əsədov ölkəmizdə səfərdə olan Argentina-Azərbaycan parlamentlərarası dostluq qrupunun üzvləri ilə görüşmüşdür. 

Oqtay Əsədov dedi ki, Argentinanın parlament nümayəndələrini Azərbaycanda gördüyümüz üçün çox şadıq. İnanırıq ki, bu müddət ərzində ölkəmiz haqda sizlərdə çox xoş təəssüratlar yaranıb.

Dövlətlərarası münasibətlərdə parlamentlərin rolunu xüsusi vurğulayan Oqtay Əsədov onu da qeyd etmişdir ki, bu səfər hər iki ölkənin parlamentləri arasında deyil, eləcə də bütün sahələrdə əməkdaşlığın daha da genişlənməsinə yeni təkan verəcək. Məhz buradakı görüşlərdən sonra ümidvarıq ki, Argentina dövlətinin də ölkəmizdə səfirliyi yaradılacaq.

Görüşdə Ermənistanın hərbi təcavüzü, etnik təmizləmə siyasəti barədə də ətraflı məlumat verən Oqtay Əsədov Dağlıq Qarabağ münaqişəsinin həllində Azərbaycanın ədalətli mövqeyini dəstəklədiyinə görə qonaqlara  minnətdarlıq etmişdir.

Argentina-Azərbaycan parlamentlərarası dostluq qrupunun sədri deputat Roberto Mario Mouilleron isə ölkəmizə səfərindən məmnunluğunu ifadə etdi. O bildirdi ki, bu səfər ölkələrimiz arasında siyasi, iqtisadi, mədəni əlaqələrin inkişaf perspektivlərinə, qarşılıqlı səfərlərin sayının artırılmasına, beynəlxalq əməkdaşlıq və digər məsələlərə öz töhfəsini verəcək.

Sonda tərəflər qarşılıqlı maraq doğuran digər məsələlər ətrafında da fikir mübadiləsi aparmışlar.

 

"Azərbaycan"

Ağaəli Məmmədov (foto)

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video