16 Sentyabr 2011 07:09
507
SİYASƏT
A- A+

Azərbaycanın ABŞ-dakı səfiri qondarma «DQR» ilə bağlı tədbirin keçirilməsinə etirazını bildirmişdir

 

ABŞ Konqresindəki erməni məsələləri üzrə işçi qrup, Ermənistanın bu ölkədəki səfirliyi və bir sıra erməni təşkilatlarının qondarma "Dağlıq Qarabağ Respublikası" ilə bağlı sentyabrın 13-də Vaşinqtonda keçirdiyi tədbirə etiraz olaraq Azərbaycanın Birləşmiş Ştatlardakı səfiri Yaşar Əliyev Nümayəndələr Palatasının bütün 435 üzvünə məktub ünvanlamışdır.

Azərbaycanın ABŞ-dakı səfirliyindən AzərTAc-a bildirmişlər ki, məktubda Ermənistanın Azərbaycana qarşı hərbi təcavüzü və torpaqlarımızın işğalı, bunun nəticəsində yüz minlərlə azərbaycanlının qaçqın və məcburi köçkün vəziyyətinə düşməsi faktları qeyd olunmuşdur. Azərbaycanın işğal olunmuş ərazilərində Ermənistanın yaratdığı qondarma rejimin heç bir dövlət tərəfindən tanınmadığı diqqətə çatdırılmışdır. Həmçinin sözügedən tədbirin təşkilatçılarının Konqres üzvlərinin və ABŞ ictimaiyyətinin diqqətini Azərbaycan torpaqlarının işğalından yayındırmaq məqsədi güddükləri vurğulanmışdır.

Bunları nəzərə alaraq, səfir konqresmenləri ABŞ-ın strateji tərəfdaşı olan Azərbaycanın suverenliyi və ərazi bütövlüyünə qarşı yönəlmiş bu cür tədbirlərdə iştirak etməməyə çağırmışdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video