Azərbaycan və Misir yeni turizm istiqamətlərinin inkişafında maraqlıdırlar
Misir öz turistləri üçün Azərbaycanı yeni turizm istiqaməti hesab edir. İstirahət üçün yeni ölkələri, o cümlədən Azərbaycanı seçməyə hazır olan misirli turistlərin sayı xeyli artıb.
Misir turizm nazirinin müşaviri Sameh Saad bu sözləri fevralın 9-da Azərbaycan Mədəniyyət və Turizm Nazirliyinin Turizm Departamentinin rəhbəri Aydın İsmiyevlə görüşdə söyləyib. Sameh Saad deyib: “İki ölkə arasında turist mübadiləsi üçün Azərbaycanla Misir arasında birbaşa aviasiya əlaqəsini nizamlamaq lazımdır. Bu, hər iki ölkənin turizm nazirliklərinin fəaliyyətində prioritet məsələlərdən biridir”.
Nazir müşaviri qeyd edib ki, Misirin “EgAz tours” şirkəti iki ölkə arasında birbaşa aviareys açılması təşəbbüsü ilə hələ keçən ilin sonunda çıxış edib. Azərbaycanlı turistləri Şarm əl-Şeyxdə qəbul edəcək bu şirkətin həmin təşəbbüsü hər iki ölkənin müvafiq idarələri tərəfindən dəstəklənib. Aviareys açılması və Azərbaycandan olan turistlərə xidmətlər təqdim edilməsi planları keçən il avqust ayında Azərbaycan Mədəniyyət və Turizm Nazirliyinin Turizm Departamentinin rəhbəri Aydın İsmiyevin başçılıq etdiyi nümayəndə heyəti Misirdə səfərdə olarkən iki ölkənin turizm nazirliklərinin nümayəndələrinin görüşündə müzakirə olunub. Misir Turizm Nazirliyi nümayəndəsinin Bakıya budəfəki səfəri həmin danışıqların davamıdır.
Sameh Saad deyib: “Misir azərbaycanlı turistlərin də cəlb edilməsində maraqlıdır. Statistik məlumatlara görə, hər il milyonlarla azərbaycanlı turist xaricdə istirahət edir. Təbii ki, bu fakt bizim turizm şirkətlərinin diqqətini cəlb edir. Ona görə də Misir tərəfi bu potensialdan istifadə etmək niyyətindədir”.
Azərbaycanlı turistləri Sinay yarımadasında qəbul etməyi planlaşdıran “EgAz tours” şirkəti 15 ən yaxşı oteli münasib qiymətlərlə onlara təqdim etməyə hazırdır. Burada “lüks” sinfinə aid dünya şöhrətli otellər də var, turistlərin büdcələrinə uyğun otellər də.
Azərbaycanlı jurnalistlər Şarm-əl-Şeyxdə tanışlıq turunda olarkən “EgAz tours” şirkəti onları yarımadanın turizm imkanları ilə tanış edib.
Sameh Saad qeyd edib ki, mənzərəli təbiəti və qədim tarixi olan Azərbaycan da misirli turistləri cəlb edir. O deyib: “Birinci Avropa Oyunlarının keçiriləcəyi məkan kimi Bakının seçilməsi misirlilərin bu ölkəyə marağını daha da artırır”.
Misir Turizm Nazirliyinin nümayəndəsi vurğulayıb ki, Bakıdan Şarm-əl-Şeyxə birbaşa aviareys açılması bütün narahatlıqlara son qoyacaq.
Sameh Saad bu məsələni Azərbaycanın müvafiq qurumları ilə müzakirə etmək niyyətində olduğunu bildiib. O deyib: “Aviareysin açılması həm də Sinay yarımadası ilə Azərbaycan arasında iqtisadi əlaqələrin genişlənməsinə şərait yaradacaq”.
Turistlərin təhlükəsizliyinin təmin edilməsi məsələsinə gəldikdə isə, Sameh Saadın sözlərinə görə, yarımadada vəziyyət sabitdir və hüquq-mühafizə orqanlarının nəzarətindədir. Turistlərin təhlükəsizliyi baxımından heç bir təhdid yoxdur.
Dünyanın turizm mərkəzlərindən olan Sinay yarımadası, o cümlədən Şarm-əl-Şeyx populyar turizm istiqamətlərinin siyahısında layiqli yer tutur.
Digər tərəfdən, dünyadakı on bir iqlim zonasından doqquzunun mövcud olduğu, bir sıra obyektləri və ənənələri UNESCO-nun dünya irsi siyahısına daxil edilmiş Azərbaycan son illərdə öz mədəniyyətinin və turizmin dünyada təbliği işində böyük uğurlar qazanıb.
Mədəniyyət və Turizm Nazirliyinin məlumatına görə, 2014-cü ildə Azərbaycana gəlmiş turistlərin sayı 2 milyondan çox olub.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bill Qeyts: Süni intellekt gələcəkdə asan tapşırıqları da yerinə yetirə bilməyəcək
29 Mart
İqlim dəyişikliyi saatların bir saniyə itirməsinə səbəb ola bilər
29 Mart
Azərbaycanın su qıtlığı probleminin həllində əldə edilən irəliləyişlər müzakirə edilib...
29 Mart
ABŞ husilərə aid daha dörd PUA-nın vurulduğunu bildirib
29 Mart
Türkiyədə FETÖ ilə əlaqədə şübhəli bilinən daha 70 nəfər saxlanılıb
29 Mart
Milli Məclis 21 məsələnin müzakirəsinə başlayıb
29 Mart
Ötən il Azərbaycan iqtisadiyyatına olan birbaşa xarici investisiyaların həcmi açıqlanıb
29 Mart
“Anev-2024 Türk dünyasının mədəniyyət paytaxtı” ilinin açılış mərasimi keçirilib
29 Mart
Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıb
29 Mart
Xankəndidə silah-sursat aşkarlanıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!