23:09 04 Avqust 2021
ONLINE XƏBƏR LENTİ
Suqovuşanın təbiət mənzərələri FOTO
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan və İspaniya arasında münasibətlərin möhkəmləndirilməsi perspektivləri müzakirə olunub
 
ANA SƏHİFƏ / SİYASƏT
11:20 17.06.2021

Azərbaycanın İspaniyadakı səfiri Ramiz Həsənov və İspaniyanın xarici işlər və İbero-Amerika və Karib hövzəsi üzrə Dövlət katibi Kristina Qallah arasında keçirilən görüşdə Azərbaycan və İspaniya arasında münasibətlərin möhkəmləndirilməsi perspektivləri müzakirə olunub.

AZƏRTAC xəbər verir ki, görüşdə Azərbaycan səfiri Cənubi Qafqaz bölgəsindəki münaqişədən sonrakı vəziyyət barədə danışıb.

R.Həsənov 30 illik erməni işğalından azad edilmiş Azərbaycan ərazilərində ölkəmizin tarixi və mədəni irsinə vurulmuş ziyanın qiymətləndirildiyini, genişmiqyaslı bərpa işlərinin aparıldığını, bir sıra infrastruktur obyektinin təməlinin qoyulduğunu qeyd edib.

Azərbaycanlı diplomat ağıllı texnologiyaların azad edilmiş ərazilərin inkişafı üçün lokomotiv olacağını Dövlət katibinin diqqətinə çatdırıb. Bildirib ki, Azərbaycanın azad edilmiş əraziləri yaşıl energetika zonası olacaq.

Səfir, ispan şirkətlərinin də azad edilmiş torpaqlarda genişmiqyaslı quruculuq işlərində iştirak edə biləcəyini qeyd edib. İspaniyanın Azərbaycanın beynəlxalq səviyyədə tanınmış sərhədlərinə, ərazi bütövlüyünə hörmət etdiyi vurğulanıb.

İspaniyanın xarici işlər və İbero-Amerika və Karib hövzəsi üzrə Dövlət katibi Kristina Qallah, Azərbaycan səfirini bu vəzifəyə təyin olunması münasibətilə təbrik edib.

Bölgədə sülhün bərpasından məmnunluğunu ifadə edərək, K.Qallah İspaniyanın Azərbaycanla müxtəlif sahələrdə, xüsusilə kənd təsərrüfatı, turizm, energetika sahələrində ikitərəfli əlaqələrin daha da inkişaf etdirilməsində maraqlı olduğunu deyib.

Görüşdə Azərbaycan ilə İspaniya arasında münasibətlərin möhkəmləndirilməsi perspektivləri barədə fikir mübadiləsi aparılıb.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM