23 Noyabr 2021 11:37
1252
CƏMİYYƏT
A- A+

Azərbaycan üçün hazırlanmış Fəal Yaşlanma indeksi təqdim olunub

 

Azərbaycan Respublikasının Birinci vitse-prezidenti Mehriban Əliyevanın təşəbbüsü ilə həyata keçirilən, Əmək və Əhalinin Sosial Müdafiəsi Nazirliyi və BMT-nin Əhali Fondunun (UNFPA) birgə icra etdiyi “Bütün yaşlar üçün cəmiyyətin qurulması: fəal yaşlanma yolu ilə Azərbaycanda yaşlıların rifahının təşviq edilməsi” layihəsi çərçivəsində Azərbaycan üçün tərtib edilmiş Fəal Yaşlanma indeksinin təqdimatı keçirilib.

BMT-nin Əhali Fondunun Azərbaycandakı nümayəndəliyindən AZƏRTAC-a bildirilib ki, tədbirdə Əmək və Əhalinin Sosial Müdafiəsi, İqtisadiyyat, Maliyyə və Səhiyyə nazirliklərinin, Dövlət Statistika Komitəsinin, Ailə, Qadın və Uşaq Problemləri üzrə Dövlət Komitəsinin, həmçinin Sosial Tədqiqatlar Mərkəzinin və UNFPA-nın nümayəndələri iştirak edib.

Təqdimatı UNFPA tərəfindən layihəyə cəlb olunmuş beynəlxalq ekspert – Böyük Britaniyanın Oksford Universitetinin tədqiqatçısı, professor Asghar Zaidi edib.

Məlumat verilib ki, Fəal Yaşlanma indeksi Azərbaycanda yaşlı insanların fəal və sağlam yaşlanma potensialını qiymətləndirmək və ölçmək üçün tətbiq edilən demoqrafik alətdir. Bu indeks əhalinin yaşlı təbəqəsinin bütövlükdə cəmiyyətin həyatında iştirakçılığının səviyyəsi ilə bağlı mənzərəni təqdim edir. Ahıl şəxslərin sağlam olmaları və fəal həyat tərzi onların cəmiyyətə töhfə vermək imkanlarını da artırır.

Tədbirdə Azərbaycanın Fəal Yaşlanma indeksi ilə bağlı beynəlxalq ekspertlərin hazırladığı hesabat da təqdim olunub. Avropa İttifaqı ölkələri, Çin və Cənubi Koreyanın analoji təcrübələri ilə müqayisəli şəkildə hazırlanan hesabatda ekspertlərin indeksin fəaliyyətinin təmin edilməsi ilə bağlı tövsiyələri də yer alıb.

Tədbirdən sonra indeksin hesablanmasında iştirak edəcək aidiyyətı qurumların nümayəndələri üçün təlim keçirilib. İştirakçılara Fəal Yaşlanma indeksinin hesablanması və istifadəsi ilə bağlı metodologiyaya dair zəruri məlumatlar verilib. Bildirilib ki, indeksin işlək olması üçün tələb olunan başlıca amil onun hesablanmasında istifadə olunan demoqrafik məlumatların əlçatanlılığıdır. Bu məqsədlə yaşlı əhali qrupları arasında mütəmadi olaraq müvafiq sorğular aparılmalı və beləliklə Fəal Yaşlanma indeksinin meyarlarına uyğun şəkildə lazımi məlumatların vaxtlı-vaxtında mövcudluğu təmin edilməlidir. Təlim zamanı iştirakçıları maraqlandıran suallar cavablandırılıb və mövzu ətrafında müzakirələr aparılıb.

“Fəal Yaşlanma” layihəsi haqda:

“Bütün yaşlar üçün cəmiyyətin qurulması: fəal yaşlanma yolu ilə Azərbaycanda yaşlıların rifahının təşviq edilməsi” layihəsi yaşlı şəxslərin fəal və sağlam həyat tərzi keçirməsini təmin etmək məqsədilə müxtəlif dəstəkləyici və inklüziv tədbir və proqramların tətbiqini nəzərdə tutan innovativ sosial təşəbbüsdür. Layihə çərçivəsində Fəal Yaşlanma İndeksinin hazırlanması, fəal yaşlanma mövzusunda ictimai məlumatlılığın artırılması və təşviqat işlərinin aparılması, eləcə də müştərək yanaşmaya əsaslanan sosial xidmətlər vasitəsilə yaşlıların daha sağlam və müstəqil həyat sürmək imkanının dəstəklənməsinə yönələn müvafiq tədbirlərin pilot qaydada sınaqdan keçirilməsi üzrə bir-biri ilə sıx əlaqəli olan bir sıra fəaliyyətlər həyata keçirilir. Layihə 65 və daha yuxarı yaş kateqoriyasına aid şəxsləri əhatə edir.

2019-2021-ci illəri əhatə edən layihə Dövlət Statistika Komitəsi, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi (ASAN xidmət), Dayanıqlı və Operativ Sosial Təminat (DOST) Agentliyi və “Üçüncü Bahar” İctimai Birliyi ilə sıx əməkdaşlıq şəraitində icra edilir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video