13 Mart 2018 04:03
3614
Turizm
A- A+

Azərbaycan turizmi İtaliya bazarında intensiv təbliğ edilir

Milli Turizm Təbliğat Bürosunun təşkilatçılığı ilə İtaliyanın bir sıra media və turizm şirkətlərinin nümayəndələri Bakı, Mərəzə, Lahıc, Şəki, Gəncə və ölkənin digər regionlarına səfər ediblər.

Milli Turizm Təbliğat Bürosundan AZƏRTAC-a bildirilib ki, səfərlərlə bağlı İtaliya mediasında silsilə məqalələr yerləşdirilib. Məqalələrdə ölkəmizin səhiyyə, qastroturizm potensialı haqqında məlumat verilib. Həmçinin respublikada infrastrukturun inkişafından, irimiqyaslı tədbirlərdən, o cümlədən Formula 1-dən bəhs edilib. Məqalələrdə Xalça Muzeyi, Heydər Əliyev Mərkəzi, İçərişəhər, “Flame Towers”, Yanardağ, palçıq vulkanları, Qobustan, Şəki Xan Sarayı, Kiş və digər görməli məkanlar haqqında məlumatlar yer alıb. Eyni zamanda, ölkəmizə səyahətin xeyli faydalı, sərfəli və maraqlı olacağı vurğulanıb. Qeyd edilib ki, Bakıda gecələmək üçün beynəlxalq otellər və hostellər çox yaxşıdır və digər obyektlər də İtaliya bazarı üçün çox münasibdir.

Məqalələrdə milli adət-ənənələri əks etdirən xüsusi tədbirlərin keçiriləcəyi də diqqətə çatdırılır. Buna səyahətçilərin iştirak etdikləri çay mərasimləri və kəlağayı hazırlamağın öyrədilməsi, habelə şəbəkə düzəldilməsi prosesini müşahidə etməklə bağlı tədbirlər daxildir.

Müəlliflər bu ideya və təşəbbüslərin həyata keçirilməsində Milli Turizm Təbliğat Bürosunun yaxından iştirakını və dəstəyini qeyd ediblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video