14:44 20 Oktyabr 2021
ONLINE XƏBƏR LENTİ
00:50 20.10.2021

QARABAĞIN HAVA QAPISI


00:49 20.10.2021

11 ayda 14 səfər


Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan nümayəndə heyəti «Elazığ-Bakı mədəniyyət və sənət görüşü»ndə iştirak edir
ANA SƏHİFƏ / MƏDƏNIYYƏT
12:02 03.02.2012

 

Fevralın 2-də Türkiyənin Elazığ şəhərində "Elazığ-Bakı mədəniyyət və sənət görüşü" başlamışdır.

Mədəniyyət və Turizm Nazirliyindən  bildirmişlər ki, Elazığ valiliyinin, bu şəhərin bələdiyyəsinin, Xaricdə Yaşayan Türklər və Qohum Toplular Başkanlığının, Fırat Universitetinin, Elazığ Ticarət və Sənaye Evinin birgə təşkilatçılığı ilə keçirilən tədbirdə Azərbaycandan geniş nümayəndə heyəti iştirak edir.

Nümayəndə heyətinə Azərbaycan Yazıçılar Birliyinin sədri, xalq yazıçısı Anar, Milli Məclisin Mədəniyyət komitəsinin sədri, professor Nizami Cəfərov, Mədəniyyət və Turizm Nazirliyinin nəşriyyat, reklamın təşkili və informasiya şöbəsinin müdiri Vaqif Bəhmənli, Yazıçılar Birliyinin katibi, "525-ci qəzet"in baş redaktoru Rəşad Məcid, tədqiqatçı alim Hacıağa Almaszadə, filoloq Asif Rüstəmli, C.Cabbarlının ev-muzeyinin müdiri Qəmər Bağırova, şair Əjdər Ol, eləcə də ədəbiyyat və incəsənət nümayəndələri, media mənsubları daxildirlər.

Fevralın 4-dək davam edəcək "Elazığ-Bakı mədəniyyət və sənət görüşü" çərçivəsində bir sıra tədbirlərin keçirilməsi nəzərdə tutulmuşdur. Elazığın Cümhuriyyət məhəlləsində Azərbaycan parkı və Azərbaycan şəhidləri abidəsinin açılışı olacaqdır. Fırat Universitetində isə "Müstəqilliyinin 20 ilində Azərbaycan" mövzusunda tədbir keçiriləcəkdir.

Tədbir çərçivəsində "Manas" nəşriyyatında çapdan çıxmış "Cəfər Cabbarlının həyatı, sənəti və mücadiləsi" və "Elazığ çələngi" kitablarının təqdimatı, "Almas İldırıma sayğı" mövzusunda görüşün keçirilməsi də planlaşdırılmışdır.

Elazığ Bələdiyyəsi Mədəniyyət və Konfrans Mərkəzində keçiriləcək mərasimdə isə türk dünyasında "İlin ədəbiyyat adamı" seçilmiş xalq yazıçısı Anarın həyat və yaradıcılığından bəhs edən televiziya filmi nümayiş olunacaq, ədibə fəxri doktor mükafatı təqdim ediləcəkdir.

"Elazığ-Bakı mədəniyyət və sənət görüşü" çərçivəsində Fırat Universitetində "Füzuliyə sayğı gecəsi" də keçiriləcəkdir. Gecədə Azərbaycan sənətçiləri ilə yanaşı, Elazığdan olan musiqiçilər də iştirak edəcəklər.

 

AzərTAc



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM