Azərbaycan Müəllimlər İnstitutunda «Müəllim hazırlığının müasir problemləri» mövzusunda beynəlxalq konfrans keçirilir
Oktyabrın 28-dən Azərbaycan Müəllimlər İnstitutunda "Müəllim hazırlığının müasir problemləri" mövzusunda beynəlxalq elmi konfrans keçirilir.
Konfransdan əvvəl iştirakçılar AMİ-də yaradılmış Heydər Əliyev Mərkəzində olmuş, ümummilli liderin büstü önünə gül dəstələri düzmüşlər.
AzərTAc xəbər verir ki, konfransı giriş sözü ilə açan Azərbaycan Müəllimlər İnstitutunun rektoru professor Aqiyə Naxçıvanlı qeyd etmişdir ki, hazırda postsovet ölkələrinin təhsil sistemləri keçid dövrünü yaşayır. Bu dövrdə innovasiyaların mənimsənilməsi böyük önəm kəsb edir. Rektor demişdir: "Bir tərəfdən sovet təhsil sisteminin köhnəlmiş prinsiplərindən əl çəkmək, digər tərəfdən, ümummilli lider Heydər Əliyevin göstərdiyi kimi, o sistemin müsbət cəhətlərini qoruyub saxlamaq və inkişaf etdirmək müasir təhsil sisteminin qarşısında duran ən mühüm vəzifələrdən biridir".
Təhsil sisteminin qarşısında duran vəzifələrdən danışan A.Naxçıvanlı demişdir ki, Azərbaycanın təhsil sistemi dünya təhsil məkanına sürətlə inteqrasiya edir. Azərbaycan Bolonya prosesinə qoşularaq və digər ölkələrin təcrübəsindən bəhrələnərək təhsil sistemində formalaşmış ənənələri, bu sistemin hərəkətverici amilləri olan milli-mənəvi dəyərləri ön sıraya çəkir.
Pedaqoji təhsil müəssisələrində təhsil və tərbiyə məsələlərinin vahid şəkildə həll olunmasının əhəmiyyətini vurğulayan A.Naxçıvanlı demişdir: "Burada ulu öndər Heydər Əliyevin bir fikrini xatırlatmaq yerinə düşərdi. Ümummilli liderimiz tərbiyə sistemində milli və ümumbəşəri dəyərlərin sintezinin yaradılmasının vacibliyini vurğulayaraq prioriteti milli-mənəvi dəyərlərə verirdi".
Rektor həmçinin Azərbaycan Müəllimlər İnstitutunun yaranma tarixindən də danışaraq hazırda burada 10 min tələbənin, 150 magistrın təhsil aldığını, 700 nəfərdən artıq professor-müəllim heyətinin fəaliyyət göstərdiyini qeyd etmişdir.
Təhsil naziri Misir Mərdanov çıxış edərək demişdir ki, hazırda Azərbaycanda müəllimlərin təkmilləşməsinə, ixtisasının artırılmasına böyük ehtiyac vardır. Müəllim hazırlığında vacib işlərdən biri də "Təhsilin əsasları" adlı dərs vəsaitinin hazırlanmasıdır. Nazir demişdir: "Bu elektron vəsait özündə təhsilin iqtisadiyyatını, fəlsəfəsini, psixologiyasını, metodikasını birləşdirir. Bu vəsait 4 il ərzində sınaqdan keçirilmiş və hazırda ekspertlər tərəfindən qiymətləndirilir. Gələn tədris ilinin əvvəlindən bu vəsait istifadəyə veriləcəkdir".
Azərbaycan Prezidenti İlham Əliyevin təhsilin inkişafına böyük önəm verdiyini bildirən nazir bir neçə il ərzində dövlətimizin başçısının sərəncamı ilə 2500-ə yaxın müəllimin müxtəlif mükafatlara layiq görüldüyünü qeyd etmişdir. M.Mərdanov belə bir halın Azərbaycan təhsil tarixində ilk dəfə qeydə alındığını və bunun dövlətin müəllimlərə böyük qayğısının təzahürü olduğunu demişdir.
M.Mərdanov pedaqoji təhsil sistemində mövcud problemləri üzə çıxarmaq və onları həll etmək üçün yeni elmi araşdırmalara ehtiyac olduğunu önə çəkmişdir. Hazırda müəllimlərin öz ixtisası ilə yanaşı, əlavə biliklərə sahib olan bir mütəxəssis olmalarının vacibliyini bildirən nazir demişdir: "Müəllim, ilk növbədə, hazırlıqlı olmalı, müasir təlim texnologiyalarını mənimsəyə bilməli, şagirdlər və tələbələrlə səmərəli əməkdaşlıq qurmağı bacarmalıdır".
Moskva Açıq Avrasiya Universitetinin professoru Aleksandr Morozov müasir təhsil sisteminin inkişafında yeni tip müəllimin formalaşmasının vacibliyindən danışaraq bildirmişdir ki, müasir dövrdə müəllimlər tədris prosesinə yanaşmanı dəyişməli, bu işdə daha innovativ üsulların tətbiqinə meyilli olmalıdırlar. A.Morozov qeyd etmişdir ki, müəllim yalnız fənni tədris etməli deyil, həm də şagirdlərə müasir cəmiyyətdə yaşamaq, sərbəst düşüncə tərzinə yiyələnmək bacarıqları aşılamalıdır.
Konfransın bölmə iclaslarında fransalı alim Pyer Meynard, Gürcüstan Texniki Universitetinin professoru Boris İmnadze, Ukrayna Bioresurslar və Təbiətdən İstifadə Milli Universitetinin professoru Nina Tverezovskaya, Moldovadan Aleksandr Kirdyakin, Misirdən Məhəmməd Salam Abdel Vahed, Belarusdan Yuri Şestakov, həmçinin azərbaycanlı alimlər müəllim hazırlığının etik problemləri, təhsilin inkişafında dövlət proqramlarının rolu, müəllim hazırlığında innovasiyalar və texnologiyaların tətbiqi, təhsilin idarə edilməsində menecment və marketinq elmlərinin rolu mövzularında məruzələr etmiş və müzakirələr aparmışlar.
Konfrans oktyabrın 29-da öz işini davam etdirəcəkdir.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"Avtomobil yolları haqqında" Azərbaycan Respublikasının Qanununda dəyişiklik edilməsi barədə...
29 Mart
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq e...
29 Mart
"Avtomobil yolları haqqında" Azərbaycan Respublikasının Qanununda dəyişiklik edilməsi barədə" Azərba...
29 Mart
“Müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitəl...
29 Mart
“Ödəniş xidmətləri və ödəniş sistemləri haqqında” Azərbaycan Respublikasının 2023-cü il 14 iyul tari...
29 Mart
Azərbaycan Respublikası Nazirlər Kabinetinin 2020-ci il 10 yanvar tarixli 5 nömrəli Qərarı ilə təsdi...
29 Mart
“Azərbaycan Respublikası Prezidentinin “Azərbaycan Respublikasının Vergi Məcəlləsində dəyişiklik edi...
29 Mart
“Azərbaycan Respublikası Prezidentinin “Vətəndaşların müraciətləri haqqında” Azərbaycan Respublikası...
29 Mart
“Bakı şəhərətrafı dəmiryol nəqliyyatı ilə sərnişindaşıma fəaliyyəti üzrə subsidiya verilməsi Qaydala...
29 Mart
“Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” ...
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!