23 Aprel 2015 04:04
976
Turizm
A- A+

Azərbaycan Lüsern Beynəlxalq Turizm Forumunun 2015-ci il üzrə qonaq ölkəsidir

İsveçrənin Lüsern şəhərində IV Dünya Turizm Forumu işə başlayıb. Forumda turizm, iqtisadiyyat, siyasət, elm və maliyyə sahələrini təmsil edən 450-dən artıq iştirakçı beynəlxalq turizmin aktual mövzuları ətrafında fikir mübadiləsi aparacaq.


“Turizm, səyahət və qonaqlama menecmentində qlobal liderlərin gələcək nəsillə görüşü” devizi altında keçirilən forumda Azərbaycanı mədəniyyət və turizm nazirinin müavini Nazim Səmədovun rəhbərliyi ilə nümayəndə heyəti təmsil edir.

Təsis edildiyi vaxtdan bəri ilk dəfə forumda xüsusi seçilmiş bir dövlət “qonaq ölkə” qismində çıxış edir. Forumun təsisçiləri “dünyanın ən dinamik inkişafa malik iqtisadiyyatına” malik olduğuna görə Azərbaycanı bu mötəbər beynəlxalq tədbirdə 2015-ci il üzrə qonaq ölkə qismində iştirak etməyə dəvət ediblər. Mədəniyyət və turizm nazirinin müavini N.Səmədov forumda Azərbaycanın turizm sektorunda gedən inkişafla bağlı məruzə edəcək, ölkəmizin turizm potensialına həsr olunmuş videotəqdimat keçiriləcək.

Forum çərçivəsində turizm sənayesinin davamlılıq və innovasiyalar nöqteyi-nəzərindən inkişaf perspektivləri, rəqəmsallaşma trendləri, beynəlxalq şoppinq turizmi, yeni nəsil turizm menecerləri qarşısında duran çağırış və tapşırıqlar ətrafında məruzələr dinlənəcək, müzakirələr aparılacaq.

2009-cu ildə təsis edilən Lüsern Dünya Turizm Forumu turizm, iqtisadiyyat, siyasət, elm və maliyyə sahələrini təmsil edən qərarverici şəxsləri bir araya gətirən yeganə beynəlxalq platformadır. Dövlət və özəl sektor nümayəndələrinin təmsil olunduğu platformanın əsas məqsədi turizm sahəsində dünyada gedən inkişaf prosesi, turizm sənayesində, səyahət və qonaq yerləşdirmədə yeni trendlər və meyillər ətrafında fikir mübadiləsi aparmaqdan ibarətdir.
Forum öz işini aprelin 24-də başa çatdıracaq.


Elgün Niftəliyev
AZƏRTAC-ın xüsusi müxbiri
Lüsern

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video