28 Yanvar 2015 09:01
893
Turizm
A- A+

Azərbaycan Konqreslər Bürosu 2015-ci ildə ilk beynəlxalq turizm sərgisində uğurla iştirak edib

Mədəniyyət və Turizm Nazirliyinin nəzdində ölkəmizdə işgüzar turizmin inkişafı üzrə strategiyanın həyata keçirilməsi məqsədilə yaradılan Azərbaycan Konqreslər Bürosu “CONVENTA 2015” beynəlxalq işgüzar turizm sərgisində ilk dəfə olaraq ölkəmizi uğurla təmsil edib.
Nazirliyin mətbuat xidmətindən AzərTAc-a bildiriblər ki, büro Sloveniyanın paytaxtı Lyublyanada təşkil olunan sərgiyə ölkəmizin biznes turizm potensialını yüksək səviyyədə təmsil etmək məqsədilə xüsusi stendlə qatılıb. Büro sərgi çərçivəsində korporativ və təşviqat görüşləri sahəsini təmsil edən alıcılarla 30-dan çox görüş keçirib. Azərbaycanın turizm sahəsinə ən çox Rusiya, Polşa, Çexiya, Britaniya və Almaniya təmsilçiləri maraq göstəriblər.
Dünyanın 50-dən çox ölkəsinin turizm sahəsini təmsil edən şirkət və təşkilatları bir araya gətirən “CONVENTA” sərgisi xüsusən Cənubi və Şərqi Avropa ölkələrinə istiqamətlənir. Sərgi hər il Türkiyə, Avstriya, İtaliya, Sloveniya, Xorvatiya, Serbiya, Monteneqro, Makedoniya, Bosniya və Hersoqovina, Rumıniya və Macarıstan kimi ölkələrdən 120-dən çox peşəkar alıcı cəlb edir.
“CONVENTA” beynəlxalq sərgisinin iş prinsipi, məlumat alınması və qarşılıqlı əməkdaşlıq üzrə platformaların təşkili kimi vacib məsələlərdə biznes görüşlərinin daha səmərəli olmasına əsaslanır. Sərgi turizm sahəsində çalışan şirkət və təşkilatlara biznes şəbəkəsi təqdim edir. Eyni zamanda, görüşlərin idarəsi və məkanların marketinqi kimi müxtəlif mövzularda dərin bilik əldə etmək imkanları və ən yaxşı təcrübə nümunələri təklif edir.
2013-cü ilin sonlarından fəaliyyətə başlayan Azərbaycan Konqreslər Bürosunun fəaliyyət sahəsinə irimiqyaslı beynəlxalq tədbirlərin respublikamızda keçirilməsinə nail olmaq, ölkənin beynəlxalq səviyyəli təyinat məkanı kimi təbliğ etmək və konfransların təşkili sahəsini inkişaf etdirməklə iqtisadiyyatımızın mühüm elementi kimi təşviq etmək daxildir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video