25 Sentyabr 2013 01:09
254
PARLAMENT
A- A+

Azərbaycan-İran parlamentlərarası münasibətlər yüksək səviyyədədir

 

Sentyabrın 24-də Milli Məclisin Azərbaycan-İran Parlamentlərarası dostluq qrupunun üzvləri ilə İran İslam Respublikası İslam Şurası Məclisinin Milli Təhlükəsizlik və Xarici Siyasət Komissiyasının üzvləri arasında görüş keçirilib. Görüşdə Azərbaycan-İran parlamentlərarası münasibətlərdən söz açılıb və qonşu ölkələrin ikitərəfli əlaqələrinin yüksək səviyyədə olduğu vurğulanıb.

Parlamentlərarası dostluq qrupunun üzvü Eldar İbrahimov qonaqları Milli Məclisdə görməyindən məmnunluğunu ifadə edib. Bildirib ki, hər iki ölkənin dərin tarixə söykənən əlaqələri mövcuddur: "Bu gün ölkə başçılarının və parlament sədrlərinin qarşılıqlı səfərləri əlaqələrin inkişafına müsbət təsirini göstərir. Azərbaycan-İran parlamentlərarası dostluq qrupunun üzvlərinin səfərləri isə əməkdaşlığın daha da dərinləşdirilməsinə öz töhfəsini verir. Bu ilin əvvəlində İranda parlament seçkiləri keçirildi. Qafqaz Müsəlmanları İdarəsinin sədri Şeyxülislam Hacı Allahşükür Paşazadənin başçılığı ilə azərbaycanlı nümayəndə heyətinin də İrana səfəri oldu. Orada Azərbaycan nümayəndə heyətinə çox isti və səmimi dostluq münasibətləri göstərildi. Bütün bunlar qarşılıqlı əlaqələrimizin yüksələn xətlə inkişafının göstəricisidir. İnanıram ki, ölkələrarası əlaqələrimiz bundan sonra da inkişaf edəcək".

İran parlamentinin Milli Təhlükəsizlik və Xarici Siyasət Komissiyasının üzvü Cavad Cahangirzadə başçılıq etdiyi nümayəndə heyəti ilə birgə Azərbaycana edilən səfərdən məmnun qaldıqlarını bildirib. Qeyd edib ki, bu görüşün uğurlu olacağına əmindir. Daha sonra o, oktyabrın 9-da Azərbaycanda keçiriləcək prezident seçkilərinin şəffaf və demokratik keçiriləcəyinə ümid etdiyini bildirdi.

 

E.MƏNSİMOV,

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video