11:52 11 Aprel 2021
ONLINE XƏBƏR LENTİ
00:55 11.04.2021

Zamanın bayraqdarı


00:37 11.04.2021

Xalqın sevdiyi rəhbər


00:33 11.04.2021

Qürur doğuran 3 il


00:23 11.04.2021

Uğurlarımızın memarı


00:22 11.04.2021

Zəfər sərkərdəsi


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan idmançılarının “Tokio-2020” Olimpiya və Paralimpiya Oyunlarında iştirakı məsələləri müzakirə olunub
ANA SƏHİFƏ / İDMAN
14:14 04.04.2021

 

Azərbaycanın Yaponiyadakı səfiri Gürsel İsmayılzadə bu ölkənin parlamentinin müşavirlər palatasının deputatı, Azərbaycan-Yaponiya parlamentlərarası əlaqələr üzrə işçi qrupunun üzvü Kentaro Asahi ilə görüşüb.

Görüş zamanı, K.Asahi səfirə görüş üçün təşəkkür edib, cari ildə Azərbaycanın müstəqilliyini bərpa etməsinin 30 illiyi ilə bağlı təbriklərini çatdırıb.

Öz növbəsində, səfir G.İsmayılzadə görüş və təbrikə görə minnətdarlığını bildirib. Azərbaycan Prezidenti, Ali Baş Komandan İlham Əliyevin rəhbərliyi, sarsılmaz iradəsi və Milli Ordumuzun əsgərlərinin igidliyi sayəsində Azərbaycanın Vətən müharibəsində böyük Qələbə qazanması və Azərbaycanın 30 ilə yaxın Ermənistan tərəfindən işğal olunmuş ərazilərinin azad edilməsini qonağın diqqətinə çatdırıb. Səfir, 103 ilə öncə, 1918-ci ilin mart və aprel aylarında erməni daşnaklarının silahlı dəstələri tərəfindən Bakı şəhərində, habelə digər şəhərlərdə on minlərlə azərbaycanlının qətlə yetirilməsi haqda da məlumat verib.

Görüşdə əsas mövzu olaraq təxirə salınmış “Tokio 2020” Olimpiya və Paralimpiya Oyunlarının 2021-ci ilin yayında təşkili və Azərbaycan idmançılarının bu beynəlxalq yarışda iştirakı məsələləri müzakirə edilib.

Kentaro Asahi səfirə cari il iyulun 23-dən avqustun 8-dək Tokio Olimpiya və avqustun 24-dən sentyabrın 5-dək Paraolimpiya Oyunlarında Yaponiya tərəfinin Azərbaycan idmançılarının iştirak edəcəyinə ümidvar olduğunu bildirib. Koronavirus pandemiyasına baxmayaraq, bu oyunların yüksək səviyyədə və təhlükəsiz şəkildə keçiriləcəyini qeyd edib.

Parlamentdə məhz idman məsələlərinə məsul olduğunu xatırladan K.Asahi, eyni zamanda Azərbaycan-Yaponiya parlamentlərarası əlaqələr üzrə işçi qrupunun üzvü kimi idman sahəsi də daxil olmaqla iki ölkə arasında münasibətlərin inkişaf etdirilməsinə öz töhfəsini verəcəyini vəd edib. O, Azərbaycan idmançılarına Olimpiya və Paraolimpiya Oyunları zamanı bu və ya digər formada dəstək verməyə hazır olduğunu da bildirib.

Məlumat üçün minnətdarlığını bildirən G.İsmayılzadə 2021-ci ilin yayında keçiriləcək “Tokio 2020” Olimpiya və Paralimpiya Oyunlarında Azərbaycan idmançılarının iştirak edəcəyinə əmin olduğunu deyib.

Əlavə olaraq qeyd edək ki, ötən əsrin 90-cı illərində voleybol üzrə Yaponiya milli komandasının oyunçusu olan K.Asahi 2011-ci ildən Yaponiya Olimpiya Komitəsində çalışır, 2016-cı ilin iyulunda isə iqtidarda olan Liberal Demokratik Partiyanın üzvü kimi Yaponiya parlamentinin müşavirlər palatasına üzv seçilib.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM