16 Noyabr 2011 03:11
382
SİYASƏT
A- A+

Azərbaycan enerji təhlükəsizliyi sahəsində Avropa İttifaqının mühüm tərəfdaşıdır

 

Noyabrın 15-də Azərbaycanın xarici işlər naziri Elmar Məmmədyarov ölkəmizdə səfərdə olan Avropa Komissiyası sədrinin müavini, Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi xanım Ketrin Eşton ilə görüşmüşdür.

AzərTAc xəbər verir ki, görüşdən sonra keçirilən birgə mətbuat konfransında müzakirə olunmuş məsələlər barədə ətraflı məlumat verilmişdir.

E.Məmmədyarov Ermənistan-Azərbaycan, Dağlıq Qarabağ münaqişəsinin nizamlanması ilə bağlı aparılan danışıqların hazırkı vəziyyəti barədə qonağa ətraflı məlumat verdiyini qeyd etmişdir. Görüşdə Azərbaycan-Aİ əlaqələrinin bütün istiqamətləri ilə bağlı fikir mübadiləsi aparıldığını vurğulayan nazir xüsusilə enerji təhlükəsizliyi sahəsinin əsas müzakirə mövzusu olduğunu bildirmişdir.

"Şərq tərəfdaşlığı" proqramının Azərbaycan üçün əhəmiyyətindən danışan E.Məmmədyarov Aİ-nin rəsmisinin ölkəmizə səfərinin tərəflər arasında əməkdaşlığın genişləndirilməsinə töhfə verəcəyini vurğulamışdır.

Azərbaycanda böyük inkişafın şahidi olduğunu qeyd edən  K.Eşton ölkəmizi BMT Təhlükəsizlik Şurasına qeyri-daimi üzvü seçilməsi münasibətilə təbrik etmişdir. Azərbaycanın enerji təhlükəsizliyi sahəsində Aİ-nin mühüm tərəfdaşı olduğunu vurğulayan K.Eşton "Şərq tərəfdaşlığı" proqramı çərçivəsində əldə olunan nailiyyətlərin tərəflər arasındakı uğurlu əlaqələrin bariz nümunəsi olduğunu demişdir. Qeyd etmişdir ki, Azərbaycan artıq nəinki regionda, həmçinin BMT kimi bir qurumda nüfuzu getdikcə artan bir ölkədir.

K.Eşton bu səfərin Azərbaycan-Aİ münasibətlərinin genişləndirilməsi baxımından mühüm əhəmiyyət kəsb etdiyini bildirmişdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video