13 Oktyabr 2011 07:10
352
Nazirlər Kabineti
A- A+

Avstriya Prezidenti Haynts Fişer Azərbaycanın Baş naziri Artur Rasizadə ilə görüşmüşdür

 

Azərbaycanda rəsmi səfərdə olan Avstriya Respublikasının Federal Prezidenti Haynts Fişer oktyabrın 12-də Baş nazir Artur Rasizadə ilə görüşmüşdür.

Avstriya Prezidenti Haynts Fişer ölkəmizə səfərindən məmnun qaldığını bildirmişdir. Prezident İlham Əliyevlə apardığı danışıqları yüksək qiymətləndirən Avstriyanın dövlət başçısı bu müzakirələrin bütün sahələrdə ikitərəfli əlaqələrin inkişafına zəmin yaradacağına əmin olduğunu demişdir. Səfər zamanı imzalanan sənədlərə toxunan ali qonaq bunun hər iki ölkə arasında xüsusilə enerji məsələləri və turizm sahəsində əməkdaşlığa təkan verəcəyini vurğulamışdır.

Prezident Haynts Fişer Avstriya-Azərbaycan iqtisadi əməkdaşlığının perspektivlərindən söhbət açaraq iki ölkənin işgüzar dairələri arasında mövcud əlaqələrin inkişaf etdirilməsi üçün münbit əlverişli şəraitin olduğunu diqqətə çatdırmışdır.

Baş nazir Artur Rasizadə qonağa ölkəmizdə həyata keçirilən iqtisadi islahatlar barədə ətraflı məlumat vermişdir. Əmin olduğunu bildirmişdir ki, Avstriya dövləti başçısının Azərbaycana rəsmi səfəri iki ölkə arasında iqtisadi əməkdaşlığın genişlənməsinə təkan verəcəkdir.

Görüşdə qarşılıqlı maraq doğuran bir sıra məsələlər müzakirə olunmuşdur.

 

AzərTAc

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video