Avstriya bəstəkarının «Sehrli fleyta» operası Azərbaycan səhnəsində
Azərbaycan Dövlət Opera və Balet Teatrı öz tamaşaçılarını dünyanın musiqi incəsənətinin ən parlaq nümunələri ilə tanış etməkdə davam edir. Teatr bu dəfə Avstriyanın məşhur bəstəkarı Volfqanq Amadey Motsartın dünya opera teatrlarının repertuarlarında özünə layiq yer tutan "Sehrli fleyta" operasını öz solistlərinin ifasında tamaşaya qoymuşdur. Musiqi materialı vokal baxımından mürəkkəb sayılan operanı dinləməyə gələnlər yenə də teatrdan məmnunluq hisləri ilə ayrıldılar. Çünki əməkdar incəsənət xadimi, professor Yalçın Adıgözəlovun təfsirində Motsart musiqisi ürəyəyatan səsləndi, ifaçılar məharətlə çıxış etdilər.
Respublikanın əməkdar artisti İnarə Babayeva geniş diapazonlu soprano səsi və professional artistlik qabiliyyəti ilə dinləyiciləri məmnun qoydu. Bənzərsiz səs gücünə və təbii oyun tərzinə görə sevilən bas səsli Əli Əsgərov həmişəki kimi, bu dəfə də məharət göstərdi. Əməkdar artist Gülnaz İsmayılova Azərbaycanda nadir sayılan koloratur soprano səsi və mükəmməl ifa tərzi ilə seçildi. O, Gecələr şahzadəsi partiyasını yüksək peşəkarlıqla oxudu. Çətin stakkato ifası anları çox xoşagələn alındı.
Tural Ağasiyevin, bariton İlham Nəzərlinin, metso soprano Səbinə Əsədovanın və Səbinə Vahabzadənin ifaları tamaşaçılar tərəfindən yüksək dəyərləndirildi. Səhnəmizin istedadlı tenoru Fərid Əliyevin çıxışı ifa tərzinin mükəmməlliyi ilə qəlblərə hakim kəsildi. Yeri gəlmişkən, bu opera ilk dəfə 1791-ci ildə Vyana opera teatrlarının birində müəllifin dirijorluğu ilə həyata vəsiqə qazanmışdır. O vaxtdan da operasevərlərin qəlbini fəth etməkdədir.
Teatrın opera truppasında istedadlı ifaçıların çoxluğu sevindirici haldır. Bu olay istənilən musiqili əsəri uğurla tamaşaya qoymaq üçün yetərlidir. Operasevərlər yaxın gələcəkdə öz solistlərimizin gücü ilə dünya opera klassiklərinin bir çox əsərini - Cüzeppe Verdinin "Otello", Cakomo Puççininin böyük Nizami Gəncəvinin motivləri əsasında bəstələdiyi "Turandot" operasını kənardan qastrolçu çağırmadan dinləmək imkanı qazanacaqlar. Bu isə o deməkdir ki, artıq tenor, soprano, bariton, kolaratur soprano opera teatrımızın gənclərdən ibarət geniş səs imkanlı ifaçıları vardır.
Arif HÜSEYNOV
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bill Qeyts: Süni intellekt gələcəkdə asan tapşırıqları da yerinə yetirə bilməyəcək
29 Mart
İqlim dəyişikliyi saatların bir saniyə itirməsinə səbəb ola bilər
29 Mart
Azərbaycanın su qıtlığı probleminin həllində əldə edilən irəliləyişlər müzakirə edilib...
29 Mart
ABŞ husilərə aid daha dörd PUA-nın vurulduğunu bildirib
29 Mart
Türkiyədə FETÖ ilə əlaqədə şübhəli bilinən daha 70 nəfər saxlanılıb
29 Mart
Milli Məclis 21 məsələnin müzakirəsinə başlayıb
29 Mart
Ötən il Azərbaycan iqtisadiyyatına olan birbaşa xarici investisiyaların həcmi açıqlanıb
29 Mart
“Anev-2024 Türk dünyasının mədəniyyət paytaxtı” ilinin açılış mərasimi keçirilib
29 Mart
Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıb
29 Mart
Xankəndidə silah-sursat aşkarlanıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!