06:03 29 Iyul 2021
ONLINE XƏBƏR LENTİ
01:04 29.07.2021

Möhtəşəm ittifaq


00:52 29.07.2021

“Adını mən verdim...”


00:49 29.07.2021

Fitnəkarlıq çox çəkməz


Suqovuşanın təbiət mənzərələri FOTO
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Avstraliya saytı Azərbaycan və Türkiyə prezidentləri tərəfindən imzalanan Şuşa bəyannaməsi barədə məlumat yayıb
 
ANA SƏHİFƏ / SİYASƏT
11:16 17.06.2021

Avstraliyanın “au.news.yahoo.com” saytı Azərbaycan və Türkiyə prezidentləri tərəfindən imzalanan Şuşa bəyannaməsi barədə məlumat yayıb.

AZƏRTAC xəbər verir ki, “Rəcəb Tayyib Ərdoğan hücum ediləcəyi təqdirdə Azərbaycanı dəstəkləyəcəyini vəd edib” adlı məqalədə Türkiyə Prezidentinin belə bir vədlə Dağlıq Qarabağ regionuna səfəri zamanı çıxış etdiyi bildirilir.

Məlumatda qeyd edilir ki, ötən ilin payızında Azərbaycan ilə Ermənistan arasında Qarabağda baş verən və cəmi altı həftə davam edən müharibədə Türkiyə siyasi müttəfiq kimi əsas rol oynayıb. Türkiyənin dövlət başçısının bu vədlə Qarabağın mədəniyyət mərkəzi hesab edilən və ötən ilin noyabrında müharibənin başa çatmasında mühüm rol oynayan Şuşaya səfəri zamanı çıxış etdiyi vurğulanır. Bildirilir ki, həmin vaxt hərbi əməliyyatlar Ermənistanın biabırçı məğlubiyyəti və Qarabağın hələ də ermənilər yaşayan bəzi yerlərinə Rusiya sülhməramlılarının yerləşdirilməsi ilə başa çatıb.

Məqalədə qeyd edilir ki, Türkiyə və Azərbaycan prezidentlərinin imzaladığı sənəddə üçüncü ölkə tərəfindən onların müstəqilliyinə və ərazi bütövlüyünə təhlükə yaranacağı təqdirdə bir-birini dəstəkləmək öhdəliyi öz əksini tapıb.

Yazıda ötən ilin sentyabr-noyabr aylarında baş verən 44 günlük müharibə zamanı müasir silahlarla təchiz edilən Azərbaycan Ordusunun qısa müddətdə Ermənistan silahlı qüvvələrini darmadağın etməsi barədə də məlumat verilir. Bildirilir ki, Azərbaycan və Rusiya prezidentlərinin, həmçinin Ermənistanın baş nazirinin noyabrın 10-da imzaladığı üçtərəfli bəyanata əsasən, Ermənistan 30 ilə yaxın bir dövrdə işğal altında saxladığı əraziləri, o cümlədən tarixi Azərbaycan şəhəri olan Şuşanı tərk edib.

Qeyd edilir ki, üçtərəfli bəyanat Ermənistanda siyasi böhrana səbəb olub və baş nazir vəzifəsini icra edən Nikol Paşinyan növbədənkənar parlament seçkiləri təyin etməyə məcbur olub.

Yazıda Türkiyə Prezidenti Rəcəb Tayyib Ərdoğanın bəyannamənin imzlanmasından sonra təşkil edilən mətbuat konfransında səsləndirdiyi fikirlər də yer alıb: “Biz tarixi Azərbaycan torpaqlarının bir daha işğal olunmaması üçün lazım olan tədbirləri görürük”.

Məqalədə Azərbaycan Prezidenti İlham Əliyevin fikirlərinə də yer verilib. Qeyd edilib ki, dövlətimizin başçısı Azərbaycan ilə Türkiyəni Ermənistan vasitəsilə birləşdirəcək nəqliyyat dəhlizinin əhəmiyyətini yüksək qiymətləndirib və bunun region üçün böyük imkanlar yaratdığını bəyan edib.

Şuşada liderlər tərəfindən imzalanan bəyannamədə Türkiyənin bu şəhərdə konsulluq açacağı və hərbi pilotsuz uçuş aparatlarını istehsal ediləcəyi barədə bəndlərin də öz əksini tapdığı bildirilir.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM