18:22 02 Avqust 2021
ONLINE XƏBƏR LENTİ
Suqovuşanın təbiət mənzərələri FOTO
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

“Avro-2020”: Ukrayna millisi Şimali Makedoniyanı məğlub edib
ANA SƏHİFƏ / İDMAN
19:13 17.06.2021

 

İyunun 17-də futbol üzrə Avropa çempionatının C qrupunun ikinci turunun oyunlarına start verilib.

AZƏRTAC xəbər verir ki, Buxarestdəki “Milli Arena”da keçirilən görüşdə Ukrayna seçməsi Şimali Makedoniya ilə qarşılaşıb. Görüş ukraynalıların 2:1 hesablı qələbəsi ilə başa çatıb.

Oyunda hesabı 29-cu dəqiqədə Andrey Yarmolenko açıb. Qoldan beş dəqiqə sonra Andrey Şevçenkonun yetirmələri yenidən fərqlənməyə nail olublar. Qapıçı ilə təkbətək qalan Roman Yaremçuk fürsəti əldən verməyərək hesab arasındakı fərqi artırıb – 2:0.

Matçın 39-cu dəqiqəsində Şimali Makedoniya millisinin təcrübəli hücumçusu Qoran Pandev fərqlənsə də, oyunun baş hakimi qolu qeydə almayıb.

Qarşılaşmanın ikinci hissəndə Şimali Makedoniya millisi qollardan birinin əvəzini çıxıb. Matçın 57-ci dəqiqəsində referi Ukrayna seçməsinin qapısında penalti zərbəsi təyin edib. Ezgjan Alioskinin vurduğu topu qapıçı qaytarsa da, futbolçunun təkrar zərbəsi qolla nəticələnib – 2:1.

Görüşün 83-cü dəqiqəsində hakim Şimali Makedoniya millisinin qapısına 11 metrlik cərimə zərbəsi təyin edib. Lakin Ruslan Malinovski zərbəni dəqiq yerinə yetirə bilməyib.

Qalan dəqiqələrdə hər iki komanda təhlükəli vəziyyət yaratmağa çalışsa da, oyunda hesab dəyişməyib.

Qeyd edək ki, Ukrayna millisi birinci turda Niderlanda 2:3 hesabı ilə uduzub. Şimali makedoniyalılar isə ilk oyunda Avstriya seçməsinə məğlub olublar - 1:3. Bu qrupun Bakı vaxtı ilə saat 23:00-da başlayacaq digər görüşü Niderland və Avstriya yığmaları arasında oynanılacaq.

Bakı vaxtı ilə saat 20:00-da start götürəcək qarşılaşmada B qrupunun favoriti Belçika seçməsi Kopenhagendəki “Parken” stadionunda Danimarka ilə qarşılaşacaq. Həmin görüşün baş hakimi niderlandlı Byörn Kuypers olacaq.

Xatırladaq ki, Bakı Olimpiya Stadionu iyunun 20-də İsveçrə-Türkiyə görüşünə ev sahibliyi edəcək. İyulun 3-də isə çempionatın dörddəbir final mərhələsinin bir qarşılaşması Bakıda oynanılacaq.

“Avro-2020”nin final matçı iyulun 11-də Londondakı “Uembli” stadionunda keçiriləcək.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM