04 May 2012 12:05
407
Mədəniyyət
A- A+

ATALAR SÖZÜ

 

Atalar sözü deyəndə baxın kimin atasının sözünü deyirsiniz)

 

 

Ürəyimizə girdilər,

Başımızı yedilər.

Ataların adından

Söz uydurub dedilər:

Yox, "İki qoçun başı

bir qazanda qaynamaz".

Ona qoyun deyiblər,

Duymayıb ağlı dayaz.

Qədim Azərbaycanda,

Siyasət ustaları

Bir tamaşa

                 qoyurdu.

Mətləb: "AYIR-BUYURDU".

Adınızı qoç qoydu,

Sizi qoydu baş-başa.

Siz toqquşa-toqquşa

Öldürdünüz-öldünüz,

       düşməni güldürdünüz.

Vətəni dilim-dilim

Xanlıqlara böldünüz.

Deyən olmadı "Dayan!"

Dayanın, durun görək,

Axı deyin nə gərək?

Bir dehqana neçə xan.

Sərvətin yada gedir,

Vətənin bada gedir.

Səninkidir axan qan,

Qoç deyilsən  - adamsan,

Dayan! Qardaşım, dayan!

Ayrı-ayrı qazanda

     başımızı yedilər.

Gülüstanda oturub

Başqa sağlıq dedilər.

İkiyə parçalanıb

Vətən - ağbirçək anam.

Bir torpağın üstündə

iki Azərbaycanam.

O "atalar sözü"nü

Yenə də bu torpağa

Qaytarırlar, əkirlər,

Tez-tez misal çəkirlər.

Kimi dindirirsənsə,

Xan qızı, xan oğludu,

Ölkə xanla doludu.

İndi xan dəbdə deyil,

Prezident olum deyir.

Kimi hap-gopa basır,

Kimi də asır-kəsir.

Kimi ölkədən küsür,

Kimi "mənölüm" deyir,

Qoyun mən olum deyir;

Mənə də bir haqq verin,

Şəhər olsun, kənd olsun,

Ayırın torpaq verin,

Orda prezident olum.

Lap olsun cəhənnəmdə -

- Gorda prezident olum...

Lənət, lənət, min lənət,

Bilmirəm sənə deyim,

Yoxsa şeytana deyim...

Ayıq olun, amandı...

İndi başqa zamandı,

İndi Allah da qorxur,

Haqq da, nahaq da qorxur.

Hegemon xalq da qorxur

Zamanın gedişindən.

Hər kəs tutsun işindən.

Can verən Qarabağı

Canavar

ın dişindən

Alaq, ay qızım, oğlum,

Ay sizə qurban olum.

Hamımız yer üzündə

Birləşən bir can olaq.

Can deyək, can eşidək,

Şanlı bir cahan olaq.

Bir bayrağın altında

Bir Azərbaycan olaq!

 

Fikrət QOCA

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video