Argentinalı deputatlar Milli Məclisdə olublar
Sentyabrın 27-də ölkəmizdə səfərdə olan Argentina - Azərbaycan parlamentlərarası dostluq qrupunun üzvləri Milli Məclisdə Argentina ilə parlamentlərarası əlaqələr üzrə işçi qrupunun üzvləri ilə görüşmüşlər. Qrupun rəhbəri Rüstəm Xəlilov demişdir ki, respublikamız müstəqilliyini bərpa etdikdən sonra digər ölkələrlə olduğu kimi, Argentina ilə də sıx əlaqələr qurmuşdur. İnanırıq ki, argentinalı deputatların bu səfərindən sonra parlamentlərarası əməkdaşlığımız daha da genişlənəcəkdir.
Rüstəm Xəlilov qonaqlara Azərbaycanın sosial-iqtisadi inkişafı, regiondakı mövqeyi, nüfuzu barədə ətraflı məlumat vermiş, Argentina ilə təkcə siyasi deyil, iqtisadi əlaqələrin, eləcə də ticarət dövriyyəsinin artırılması üçün geniş imkanlar olduğunu bildirmişdir. O, Bakıda Argentinanın səfirliyinin açılmasının hər iki tərəf üçün səmərəli olacağını vurğulamışdır.
Daha sonra işçi qrupunun rəhbəri Ermənistanın Azərbaycana qarşı hərbi təcavüzünün acı nəticələrindən söz açmış, münaqişənin beynəlxalq hüququn norma və prinsipləri əsasında, ölkəmizin ərazi bütövlüyü çərçivəsində həllini tapacağına və Argentinanın rəsmi Bakının ədalətli mövqeyini dəstəkləyəcəyinə ümidvar olduğunu bildirmişdir.
Argentina-Azərbaycan parlamentlərarası dostluq qrupunun rəhbəri deputat Roberto Mario Mouilleron Azərbaycana səfərlərindən məmnun qaldıqlarını bildirmişdir. O demişdir ki, səfər çərçivəsində çox səmərəli görüşlər keçirmiş, Azərbaycan ilə bağlı geniş məlumatlar əldə etmişlər. Qonaq respublikamızın zəngin mədəniyyətə, təbii sərvətlərə malik, tolerant ölkə olduğunu vurğulamışdır.
Sonda Roberto Mario Mouilleron bildirmişdir ki, Argentinada Azərbaycana böyük maraq var. Parlamentlərarası dostluq qrupu yaradılarkən Argentina parlamentinin hər iki palatası tərəfindən dəstək alınmışdır. Biz çalışacağıq ki, tez bir zamanda Bakıda Argentinanın səfirliyi açılsın.
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Milli Məclisin sədri Türk Dövlətləri Parlamentlərinin Xarici Əlaqələr Komitələri sədrlərinin iclasın...
25 Aprel
Türkiyənin Kahramanmaraş Sütcü İmam Universiteti ilə Azərbaycan Tibb Universiteti arasında birgə elm...
25 Aprel
Fransızların çoxu Makronun Aİ qərarlarına real təsir göstərdiyinə inanmır
25 Aprel
Dəyişən iqlim şəraitində əməyin mühafizəsi ilə bağlı maarifləndirmə tədbirləri təşkil olunub ...
25 Aprel
Rusiya XIN: Moskva Azərbaycanla Ermənistan arasında dövlət sərhədinin delimitasiyasına gələcəkdə də ...
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Azərbaycanın Milli Qəhrəmanı Albert Aqarunovun Şəhidlər xiyabanında xatirəsi anılıb
25 Aprel
Elmira Süleymanova II Fəxri xiyabanda dəfn olunub
25 Aprel
Britaniya alimləri xərçəngin müalicəsində mühüm addım atıblar
25 Aprel
Üç ayda 38,9 min nəfərdən çox şəxsə sosial müavinət və təqaüd təyin olunub
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!