19:51 13 May 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Antarktika buzlaqlarının əriməsi dəniz səviyyəsini 4,2 metr qaldıra bilər
ANA SƏHİFƏ / DÜNYA
15:23 04.05.2021

 

İqlimşünasların hesablamalarına görə, Antarktikanın qərb hissəsindəki buzlaqların tamamilə əriməsi dəniz səviyyəsini 4,2 metr qaldıra bilər.

AZƏRTAC xəbər verir ki, tədqiqatın nəticələri “Science Advances” elmi jurnalında dərc olunub. Bildirilir ki, bu, ötən il aparılan hesablamalara nisbətən bir metr çoxdur.

"Ənənəvi olaraq hesab edilirdi ki, Qərbi Antarktikanın buz təbəqəsinin yoxa çıxması dəniz səviyyəsini 3,2 metr qaldıracaq. Kataklizmin nəticələrinin hesablandığı əvvəlki cəhdlər zamanı ağır buz qatının yoxa çıxması ilə bağlı geoloji proseslərin təsiri nəzərə almırdı. Biz onun dəniz səviyyəsinin ümumi artımına təxminən bir metr əlavə edəcəyini aydınlaşdırdıq”, - deyə tədqiqat müəlliflərindən biri, Harvard Universitetinin elmi işçisi Evelin Pauell bildirib.

İqlim mütəxəssislərinin fikrincə, qlobal istiləşmə ilk növbədə Yerin qütb bölgələrinə və dağ buzlaqlarına təsir edəcək. Burada temperatur əvvəlki yüzilliklərə nisbətən artıq 4-9 dərəcə yüksəlib. Nəticədə buz örtüyünün sahəsi xeyli azalacaq və gələcəkdə Antarktika və Arktikanın böyük hissəsində buz qalmayacaq.

Bu proseslər artıq Antarktikanın qərbindəki buzlaqlara təsir etməyə başlayıb. Məsələn, üç il əvvəl yarımadada yerləşən Larsen buzlağının sonuncu fraqmentlərindən biri dağılıb. Nəticədə ölçüsü Estoniya böyüklüyündə olan trilyon ton ağırlığında aysberq meydana gəlib.

Alimlər əsrin sonlarına qədər Qərbi Antarktikadakı buzlaqların əhəmiyyətli hissəsinin əriyəcəyindən ehtiyatlanırlar. Bu, baş verərsə, Dünya okeanının səviyyəsi təxminən üç metr qalxacaq. Nəticədə digər qitələrdə yerləşən bir çox sahilyanı rayonlar su altında qalacaq.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM